POP 5

Lajmet më të lexuara të 5 minutave të fundit

Protesta/ Rama: Policia dinjitoze përballë dhunuesve! Basha: Qeverinë-bandë e pret burgu

Një ditë pas protestës së opozitës së bashkuar kryeministri Edi Rama vlerëson punën e Policisë së Shtetit, ndërsa tha se aktet e dhunës gjatë tubimit treguan se opozita duhet braktisur nga qytetarët e denjë. Lider demokrat Lulzim Basha nga ana tjetër, thotë se qeveria po kërcënon të ardhmen europiane të Shqipërisë. Kryedemokrati thotë se janë krerët e qeverisë, një bandë krimi siç e quan ai, që e kanë vendin në burg, dhe jo qytetarët e arrestuar për dhunën gjatë protestës.

Kryeministri Edi Rama pas ironisë së djeshme ndaj protestës së opozitës së bashkuar, ka reaguar edhe sot, teksa lartësoi veprimet e Policisë së Shtetit.

Shefi i qeverisë publikoi komunikimin e ministrit të Brendshëm, Sandër Lleshaj, i cili tha se strukturat e Policisë treguan nivel të lartë dhe aftësi profesionale duke mos toleruar aktet e dhunshme në protestë.

“Policia e Shtetit dha dje një tjetër shembull kuptimplotë dinjiteti në krye të detyrës, ndërsa dhunuesit e saj një tjetër arsye për t’u braktisur nga çdo qytetar i denjë i kësaj republike”, shkruan Rama në “Facebook”.

Ministri i Brendshëm, Sandër Lleshaj theksoi gjatë deklaratë se veç tentativave për të sulmuar Kuvendin e Shqipërisë pa deputetë, pati thirrje antikushtetuese për kryengritje, revolucion dhe dhunë. E kështu, sipas tij, protesta po kthehet në një problem të rendit kushtetues, ku vetë organizatorët, siç paralajmëroi ministri, nuk do t'i shpëtojnë përgjegjësisë.

Më pas, njëjtë edhe kryetari i Partisë Demokratike, Lulzim Basha publikoi në Facebook deklaratën për mediat që mbajti në selinë blu Organizatori i protestës së opozitës, sekretari i Përgjithshëm i Partisë Demokratike, Gazment Bardhi.

"Ne jemi deri në fund në krah të njerëzve që janë ngritur kundër qeverisë-bandë që, bashkë me krimin dhe oligarkët, ka vjedhur dhe dhunuar shqiptarët, ka shkatërruar demokracinë dhe shtetin ligjor dhe po kërcënon të ardhmen europiane te Shqipërisë! Fati i qeverisë-bandë është rrëzimi i saj! Krerët e kësaj bande i pret burgu që sot e kanë mbushur me protestues të pafajshëm!", tha Basha.

Pas protestës së opozitës, Policia e Shtetit njoftoi se janë arrestuar 37 persona për veprime të dhunshme mbi institucionet kushtetuese, mbi policinë për shkatërrimin e pronës shtetërore dhe private. Ndërsa janë proceduar në gjendje të lirë edhe 24 të tjerë, mes tyre edhe sekretari i përgjithshëm e PD-së, Gazmend Bardhi.

G.M./m.v.
Komento

Komente

  • Albania: 15/04/2019 13:32

    Kam vetem nje pyetje per zotin Basha dhe Znj. Kryemadhi. Ju pretendoni qe keni mbeshtetjen e shqiptarve, ju lutem ku i keni intelektualet ose eliten e tyre ne nje proteste qe keni zhvilluar vetem kte kerkoj. Nese Petrit Vasili dhe Flamur Noka perfaqsojne kete elit ateher keni te drejte

    Përgjigju
  • Donela: 15/04/2019 10:36

    Z.Rama perpara le te llapin e protestojne,qytetaret e dine shume mire qe banda PD-LSI e ndihmuar ne menyre tinzare nga ky palo President,i ka ditet e numeruara,e kane trashur shume zullumin e duan t'i vene flaken Shqiperise.

    Përgjigju
  • Populli: 14/04/2019 19:50

    Me vjen keq si kryeministri qe per here te pare ne historine e ketij vendi gezon mbeshtetje dhe rrespekt nga nderkombetaret bjen ne nivelin e alabakeve qe rropen lekuren e ketij vendi.. Me llumin nuk flitet, ata e kane vendin ne burg.. Rama! Vazhdo rrugen se gezon simpatine dhe rrespektin e gjithe shqipetareve...

    Përgjigju
  • Cekja: 14/04/2019 18:34

    Per cfar burgu thote ku fallco politikan. Kur ti te perballesh vete ne gjygj per rrugen e kombit dhe te bindesh popullin per te gjitha oferat korruptive te familjes tende me rraportin e sajuar atehere mendo per burgun e ketyre te tjereve. Prandaj mos I bej qefin vetes dhe mos te shkoji ndermend se do vish ne pushtet o budalla. Me gjithate mos u merzisni se ditet e numeruara keni o Putist

    Përgjigju
  • Populli: 14/04/2019 18:20

    Burgu te pret ty more halabak dhe denimi do jete shembullor per te gjitha krimet qe ke bere .Ti je hajdut dhe vrases dhe per Kete do japesh llogari

    Përgjigju
  • ERP: 14/04/2019 17:29

    Paradoksi me i madh eshte kur flet per futje ne burg hajduti me buzeqeshje, Lulzime plehra. Sado keq te qeverise Edi Rama kurre PD nuk vjen ne pushtet sa te jesh ti ne krye dhe SB ne sfond, si dhe leshelia me ju. Ptuh, fare e e keqe

    Përgjigju