Kronikë

Protesta te Unaza e Re, banorët bllokojnë rrugën, arrestohen 2 protestues, procedohen 20 të tjerë

"Duam mbështetje, nuk tërhiqemi"-janë thirrjet që u dëgjuan ditën e 27-të të protestës së banorëve të Astirit. Kësaj herë veç prishjes së banesave, protestuesit kërkuan edhe lirimin e të arrestuarve për aktet vandale të kryera ditën e djeshme.

Redaksia 29 Nëntor 2018, 17:25 | Përditesimi: 29 Nëntor 2018, 20:14

TIRANË- Është zhvilluar dita e 26-të e protestës së banorëve të Astirit tek Unaza e Re. Banorët kanë bllokuar rrugën, ndërkohë që policia e Shtetit ka arrestuar 2 protestues si edhe ka proceduar në gjendje të lirë 20 të tjerë për aktet e vandalizmit që kryen ditën e djeshme në protestë, ku protestuesit rrëzuan blloqet e betonit, rrethimin e kantierit, shkulën tabelat e sinjalistikës rrugore dhe dogjën koshat e plehrave.

Në mbështetje të banorëve, të cilët veç mosprishjes së banesave kërkonin edhe lirimin e dy të arrestuarve ishin sërish deputetët e Partisë Demokratike, ndërkohë që nuk pati ndërhyrje nga policia.

"Duam mbështetje, nuk tërhiqemi"-janë thirrjet që dëgjohen në protestën e banorëve.

LEXO EDHE:
Kurbani në Astir, gjithë mashtrimet për rrugën drejt Tiranës

Protesta e banorëve të Astirit është mbështetur nga Partia Demokratike dhe kryetari Lulzim Basha që prej ditës së parë. Banorët kundërshtojnë ndërtimin e Unazës së Madhe të Tiranës, pasi sipas tyre ky projekt prek shtëpitë e tyre. ARRSH ka sqaruar se banesat për të cilat kundërshtojnë banorët janë të palegalizuara, ndërkohë që Bashkia Tiranë ka ofruar zgjidhje për ta, bonusin e qirasë dhe strehimin nëpër banesa sociale. Protesta zhvillohet në një kohë kur IKMT vazhdon shembjen e banesave dhe pastrimin e zonës për të bërë të mundur nisjen e punimeve.

Rendit zhvillimet sipas orarit:

Ora 18:34

Arrestimi i protestuesve tek 'Astiri', Balliu: Në qeli, padrejtësisht një 70-vjeçar

I pranishëm në protestën e banorëve të Astirit ka qënë edhe deputeti i PD-së, Klevis Balliu i cili ka komentuar arrestimin e dy protestuesve pas akteve të vandalizmit. Sipas tij, këto arrestime bëhen për të trembur qytetarët që ata të mos dalin të protestojnë për shtëpitë e tyre.

“Policia e Shtetit nën urdhërat e Edvin Kristaq Ramës, ka nxjerrë fletë arrestin për Kujtim Yllin, një burrë të moshuar rreth 70 vjeç të cilët këta sot padrejtësisht e kanë lënë Kujtimin në qëllitë e rajonit nr 2, për aq sa kemi informacion pasi edhe informaci që kemi se për çfarë është shoqëruar Kujtimi Ylli nuk është na është dhënë edhe pse kemi shkuar në dy rajone të ndryshme,”-Klevis Balliu.

Ora 18:19

Protesta nëpërmjet fotove