TIRANE-Banorët e Unazës së Re mbrëmjen e sotme bllokun rrugën për dy orë, ndërsa kryen akte vandalizmi duke hequr blloqet e betonit, tabelat rrugore, dogjën koshat e plehrave dhe rrëzuan rrethimin e kantierit të ndërtimit të firmave të kontraktuara për punimet. Policia ishte e pranishme, por qëndroi në distancë duke mos ndërhyrë në asnjë moment. Pas incidenteve dhe bllokimit për dy orë banorët u larguan duke hapur rrugën, ndërsa paralajmëruan se nesër protesta do të jetë më e dhunshme.
Sot ishte dita e 25 e protestës, ndërsa nisi paradite me shpalosjen e një flamur kuqezi nga banorët me rastin e festës së Pavarësisë (Lexo këtu). Më pas banorët e ‘Astirit’ bllokuan rrugën për disa orë duke detyruar makinat që të hipin në trafik-ndarëse për të marrë kthesën. Në mesditë rruga u rihap, ndërsa mbrëmjen e sotme në orën 17:00 si cdo ditë është bllokuar sërish dhe u shoqërua me akte vandale.
Protesta e banorëve të Astirit vjen në një kohë kur IKMT ka nisur shembjen e banesave dhe objekteve për t’i hapur rrugë ndërtimit të Unazës së Madhe të Tiranës. Në mbështetje të banorëve kanë shkuar sërish deputetë të Partisë Demokratike, ndërkohë që Bashkia Tiranë ka ofruar për banorët një bonus qiraje me afat 3-vjeçar.
Pas dy orësh protestë me thyerje, djegie dhe bllokim të rrugës me blloqe betoni banorët e Unazës së Re kanë hapur rrugën, ndërsa kanë paralajmëruar që nesër do të jetë më e dhunshme.
Ish-deputeti i PS-së, Eduart Ndocaj i është bashkuar protestës së banorëve të zonës së 'Astirit.' Para mediave ai i ka bërë thirrje qeverisë që të dëgjojë qytetarët.
"Këta shqiptarë i kanë dhënë votën dhe duhet t'i dëgjojnë. Të diskutojnë me banorët. Veliaj nuk mund t'i quajë shpellarë, as Rama nuk mund t'i quajë zabtues. Edhe nëse kanë qënë zabtues, pas 20 vitesh që jetojnë këtu, tani janë bërë pronarë,"-Eduart Ndocaj.
Banorët e Unazës së Re kanë paralajmëruar se nesër në ditën e 26-të protesta do të jetë më e dhunshme se mbrëmjen e sotme.
Protestuesit vijojnë me aktet e vandalizmit të Unaza e Re, ndërsa policia ka qenë e pranishme po nuk ka ndërhyrë.
Pas vendosjes së blloqeve të betonit duke bllokuar rrugën dhe rrëzimit ët rrethimit të kantierit të ndërtimit, banorët i kanë vendosur flakën koshit të plehrave.
Banorët e Unazës së Re kanë rrëzuar rrethimin e kantierit të ndërtimit që është ngritur nga firma që do të ndërtojë. Ndërkohë që në vendin e ngjarjes janë disa efektivë policie, por që nuk kanë ndërhyrë.
Banorët e Unazës së Re që po protestojnë prej orës 17:00 kanë bllokuar rrugën me blloqet e betonit të cilët i kanë shtyrë duke i vendosur në mes të rrugës. Blloqet janë vendosur më herët nga kompania që ka nisur punën për projektin.
Prej orës 17:00 të pasdites së sotme Unaza e Re vijon që të jetë e bllokuar nga protestuesit që kundërshtojnë projektin. Banorët që kanë ndërtimet pa leje kundërshtojnë shembjen duke kërkuar shpronësim 100% nga bashkia.
Banorët janë shprehur të vendosur për vijimin e protestës dhe mbrojtjen e banesave të tyre. Sonte protestës së banorëve iu bashkua edhe një qytetar nga Durrësi. “Toka, familja dhe nderi mbrohen me gjak. Jam djalë nga Durrësi, jam artist dhe artist do të vdes. Shqiptarë duhet të dini se në këtë botë ka vetëm një Zot dhe njerëzit janë të kalueshëm, vetëm Zoti nuk kalohet” tha ai.
Ashtu si cdo ditë edhe mbrëmjen e sotme banorët e Unazës së Re kanë bllokuar rrugën në shenjë proteste kundër projektit. Banorëve në protestë u është bashkuar edhe deputetja e Partisë Demokratike, Albana Vokshi.
Deputetja e PD, Albana Vokshi u shpreh në protestën mbrëmjen e sotme se Erion Veliaj dhe Edi Rama kërkojnë t’i shembin këto banesa jo për projektin e supozuar, por për t’ia dhënë klientëve të tyre si terren për të zhvilluar pallate e kulla. Referuar takimit të Veliajt dje me banorët e Unazës së Re, Vokshi tha se kryebashkiaku mashtroi, pasi sipas saj ata nuk ishin personat që preken nga projekti.
“Kauza e këtyre qytetarëve është një kauzë e drejtë dhe do triumfojë mbi dhunën e Edi Ramës dhe asaj policore. Meqenëse Erion Veliaj nuk i kishte bërë mirë llogaritë, situata shkoi sërish tek mashtrimi e manipulimi. Asnjë prej protestuesve nuk ka qenë pjesë e takimit që u zhvillua në sallën e Këshillit Bashkiak me Erion Veliajt. Kanë qenë të gjithë policë, nuk kanë qenë as protestuesit dhe as banorët. Janë rrogëtarë, ato marrin porositë e Erion Veliajt.
Ai po mundohet që të dizinformojë, të mashtrojë banorët, por këtë nuk do t’ia arrijë dot. Erion Veliaj dhe Edi Rama kërkojnë t’i shembin këto banesa jo për projektin e supozuar, por për t’ia dhënë klientëve të tyre si terren për të zhvilluar pallate e kulla”deklaroi ajo.
Disa prej banorëve te Unazës së Re vazhdojnë të protestojnë duke bllokuar rrugën ndërkohë që shoferët janë detyruar të kalojnë mbi trafikndarës si shifet dhe në foto më poshtë.
Gjatë protestës që kanë zhvilluar ditën e sotme duke bllokuar rrugën tek Unaza e Re, banorët e Astirit janë shprehur se do t’i mbrojnë shtëpitë e tyre dhe se nuk do të dorëzohen. Banorët që protestojnë për të 25-ën ditë radhazi, më herët gjatë ditës së sotme kanë ngritur edhe flamurin kuqezi në protestë.
“Do e vazhdojmë protestën deri në fund dhe shtëpite nuk i dorëzojmë. Jemi shqiptarë dhe nuk jemi serbë. Do e ngrejmë flamurin dhe shtëpitë tona do i mbrojmë se i kemi me gjak. Ne kemi mbështetjen e banorëve sepse kërkojmë shtëpitë tona dhe nuk i nxjerrim fëmijët jashte”- kanë thënë ata.
Komente
Lajme të tjera
-
Protesta e Astirit/ Balliu pranë Gjykatës së Tiranës: Të bashkohen çështjet në një të vetme, qytetarët po arrestohen nga dëshmitë e efektivëve
21 Dhjetor 2020, 12:44 -
Shtyhet seanca për çështjen e 'Unazës së Re'/ Balliu: Unë s'rri t'i bie samarit, por gomarit dhe ai është Rama! Ka bërë koalicion me COVID-in, e ka vendin te '313'
4 Nëntor 2020, 12:00 -
Banorët e Unazës së Re ndjesë Klevis Balliut: Të kishin zili, Basha të të fusë në listë për deputet
8 Tetor 2020, 10:54 -
Veliaj sfidon Bashën: Pse s’më hedh në gjyq kur them se e le protestën në Astir për makinën 130 mijë euro?
4 Tetor 2020, 19:28 -
Ofendoi policët, shoqërohet në polici 'protagonisti' i protestës së 'Astirit': Nuk trembemi, bëhemi më të fortë
3 Tetor 2020, 20:55 -
Veliaj tjetër akuzë Bashës: Premtove harakiri te Unaza, pse e le protestën? A more një makinë 130 mijë euro nga një nga kontraktorët? (VIDEO)
2 Tetor 2020, 18:51 -
Veliaj akuza të rënda Bashës: Mbylle protestën e rrugës së Kombit dhe Astirit në këmbim të 4 vilave, u pasurove bashkë me kunatin
1 Tetor 2020, 22:03 -
Dosja/ Prokurori Petrit Hysa dy akuza Klevis Balliut, ja dëshmitarët kundër ish-deputetit të PD për bllokimin e rrugëve
18 Prill 2020, 14:37
-
Gjykata Penale e Tiranës kalon dosjen për gjykim/ Balliu dhe 12 banorë të Astirit merren të pandehur (VIDEO)
2 Mars 2020, 13:27 -
PD: Ja foto se si u shpëtua nga shembja shtëpia e prokurores në Astir, 'shpërbleu' Veliajn duke e 'falur' për pishat
19 Shkurt 2020, 11:15 -
Sinjalizime për aksion nga IKMT-ja, Balliu te 'Astiri': I siguroj banorët që PD-ja nuk tërhiqet
17 Shkurt 2020, 08:19
Atehere paska shume te drejte z. Erion Veliaj qe i quan shpellare.
PërgjigjuU BINI KETYRE QE PRISHIN RENDIN ,BLLOKOJNE POPULLIN TE SHKOJE NE PUNE...CFAR SHTET LESHI ESHT KY QE RI E I SHIKON SI PO DEMTYOJNE PRONEN PUBLIKE ETJ...
PërgjigjuVazhdon protesta e PD per gjoja mbrotjen e banoreve . Tregojini te verteten, pse nuk i legalizuat kur ndertuan qe ne fillim , por i nashtroni sot. Tirana eshte e 1 milion banireve dhe jo vetem e juaja . Problemet zgjidhen ne gjykata dhe jo me protesta , qe vec shtojne urrejtjen per ju qe bllokoni qarkyllimin . Si e keni nis , ku nuk ju oerkrah shumica do perfitoni OJQ dhe jo oarti politike
PërgjigjuFajtoret pa faj
Përgjigjupd = tradher te kombit shqiptar
Përgjigju