Tre fusha të reja sportive në shkollat “Katund i Ri” dhe “Sadik Stavialeci” i shtohen Kasharit, të cilat do të shërbejnë jo vetëm për 1300 nxënësit e zonës, por edhe komunitetit aty. Bashkia e Tiranës, me mbështetjen e qeverisë zvicerane dhe austriake, mundësoi rehabilitimin e 3 fushave sportive të pajisura me të gjitha kushtet e nevojshme, për të siguruar një mjedis të sigurt e të përshtatshëm, për zhvillimin e aktiviteteve sportive për nxënësit e Kasharit.
I shoqëruar nga Ambasadori i Zvicrës në Shqipëri, Adrian Maître dhe deputetja e PS, Blerina Gjylameti, e përfaqësues të komunitetit, kryebashkiaku i Tiranës, Erion Veliaj inspektoi përfundimin e punimeve. “Ajo që thonë të gjithë është: Shiko sa bukur duket Tirana, ja Sheshi Skënderbej, ja Pazari i Ri, ja Parku i Liqenit, ja Bulevardi i Ri - dhe m’u desh që t’u shpjegoja se Tirana që kemi sot nuk është vetëm ajo e qendrës urbane. Tiranë është edhe Kashari, edhe Krraba, edhe Ndroqi, edhe Dajti, edhe Shëngjergji, Zall-Bastari, Zall-Herri; pra, duhet të fokusohemi edhe te Tirana e periferisë, si sot”, tha Veliaj.
Ky investim, i zbatuar dhe i bashkëfinancuar nga Bashkia e Tiranës si pjesë e Skemës Pilote të Granteve lançuar nga Programi për Zhvillimin Rajonal në Shqipëri, përfshiu rinovimin total të rreth 1235 m2 fushë sportive, si dhe pajisjet e nevojshme sportive. Kryebashkiaku tha se më shumë se një vend i stërvitjes fizike, këto mjedise janë edhe një vend për formimin e karakterit të qytetarëve për të nesërmen.
“Ky nuk është vetëm një vend ku ‘parkohemi’ për disa orë, sa për të mos ndenjur në rrugë. Ky është një vend ku mësojmë si fitojmë, si humbasim, se jeta ka edhe fitore, por edhe humbje. Ndaj, më shumë sesa stërvitje fizike, kjo është edhe një stërvitje për karakterin tonë. Siç e keni vënë re kur shihni lajmet, një nga problemet në Shqipëri është se të rriturit e sotëm kanë pasur fëmijëri të këqija dhe nuk dinë as si të humbasin, as si të fitojnë, ndaj unë besoj se gjëja më e rëndësishme këtu, përveç trajnimit të trupit, është trajnimi i karakterit, loja në skuadër. Te kjo ne besojmë shumë fort”, tha ai, ndërsa ftoi qytetarët e Tiranës që të dielën e 17 Marsit t’u bashkohen festimeve me mbi 50 aktivitete të ndryshme për të gjitha grupmoshat që janë organizuar nga Bashkia e Tiranës.
Fushat sportive të rikonstruktuara i kushtohen jo vetëm të rinjve dhe nxënësve të shkollave respektive, por mbarë komunitetit vendas, duke promovuar aktivitete sportive e rekreative, si dhe nxitjen e pjesëmarrjes dhe përfshirjen më të madhe sociale në këtë zonë. “Ashtu siç janë hapur të 62 shkollat në Tiranë, edhe shkollat e Kasharit do të qëndrojnë hapur pas mësimit. Një pjesë e juaja, pasi mbaron detyrat, kthehet prapë për një ndeshje volejbolli, për një ndeshje kalçeto, për një ndeshje basketbolli, për një takim me komunitetin, për një takim me prindër, për një panair bujqësor ose artizanati, për festimet e Ditës së Verës, apo të 5 majit, apo 1 qershori i fëmijëve. Ne duam që shkolla të kthehet nga një vend ku kalamajtë parkohen për 6 orë, në një vend ku i gjithë komuniteti, e gjithë familja, fëmijë dhe të rritur, të kenë mundësi të aksesojnë shkollat tona gjatë gjithë ditës”, deklaroi Veliaj.
Ambasadori zviceran, Adrian Maître u informua mbi rezultatet dhe impaktin që ky projekt do të ketë për djemtë dhe vajzat e zonës, por edhe për mbarë komunitetin e Kasharit. Ai ndau me pjesëmarrësit rëndësinë që ka përmirësimi i infrastrukturës arsimore për të ndërtuar në të ardhmen komunitete të forta e të qëndrueshme. “Nëpërmjet edukimit cilësor dhe një infrastrukture të përshtatshme arsimore ne mund të luftojmë pabarazitë dhe të adresojmë sfidat e zhvillimit rajonal”, theksoi ai.
Deputetja e PS, Blerina Gjylameti vlerësoi përkushtimin e Bashkisë së Tiranës për të përmirësuar infrastrukturën dhe shërbimet në të gjithë territorin që administratoret prej saj. “Jam shumë e lumtur dhe i falenderoj pafund dy ambasadat që i janë bashkua këtij projekti të rëndësishëm. Falenderime edhe për Bashkinë e Tiranës sepse realisht në këto 4 vite po shohim sesi punohet jo vetëm në qendër, por nga qendra në çdo cep të bashkisë së re, për të bërë atë që ka qenë qëllimi ynë që në fillim: t’i trajtojmë të gjithë qytetarët dhe fëmijët njësoj, kudo që janë, pavarësisht zonës ku jetojnë. Në emër të të gjithë fëmijëve dhe në emër të të gjithë banorëve të Kasharit, dua t’ju falenderoj pafund për punën që keni bërë së bashku”, u shpreh Gjylameti.
Lajme të tjera
-
Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille
27 Nëntor, 22:55 -
DOSJA/ 'Mami është mërzitur, nuk e keni falenderuar', fjalët e Megi Fetahut 'prekin' Suel Çelën: Për Pajtimen hidhemi të gjithë në zjarr
27 Nëntor, 22:46 -
Spahiu: Meqë Berisha kërkon qeveri teknike me PS, uroj që Rama ta bëj ministër 4 vite
27 Nëntor, 22:41 -
Spahiu: Lirimi i Berishës nuk është vendim pafajësie por thjesht masë sigurie
27 Nëntor, 22:38 -
Po tani, ka drejtësi zoti Berisha ?
27 Nëntor, 22:37
-
Kërkesa e opozitës për qeveri teknike, Alimehmeti në 'Repoltix': Duhet vullnet politikë nga PD dhe PS! Zarat janë hedhur! Faik Basha: E nevojshme
27 Nëntor, 22:25 -
Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin
27 Nëntor, 22:19 -
Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës
27 Nëntor, 22:16 -
Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion
27 Nëntor, 21:56 -
Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi
27 Nëntor, 21:51
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Prag feste, Rama ndan fotoalbumin e fëmijëve veshur kuqezi
27 Nëntor, 21:35
