Në 102-vjetorin e shpalljes së Tiranës Kryeqytet, gazetarja Rezarta Delisula sjell librin me titull “Çfarë ka qenë Tirona”, ku paraqiten për të herë parë dokumente origjinale të gjetura në Arkivin Osman të Kryeministrit të Stambollit.
Në promovimin e këtij botimi tek “Reja”, kreu i Bashkisë së Tiranës, Erion Veliaj u shpreh se ky libër është një testament për kryeqytetin me 1 milionë banorë. Por, duke u ndalur tek zhvillimet e javës, ai foli edhe per protesten e disa banorëve, që preken nga procesi i rindërtimit tek lagja “5 Maji”.
“Ishte shumë e dhimbshme të shikoja në Parlament, se si zhvillohej një debat për zaptimin e pronës dhe Komisionin e drejtonte një gocë tironse si Klotilda Ferhati, te cilës ia kanë zaptuar tokën e babës, por ajo nuk e tha kurrë këtë. I dëgjoi me durim. Keni zaptuar, e kuptojmë, sepse kanë qenë ditë të vështira. Ke marrë 500 metra, sot do marrësh po 500 metra, sepse ky qytet është zemërhapur për të gjithë. Kur ne insistojmë që personat që i bashkohen kësaj zemre të madhe duhet të bëhen tironsa, nuk është puna tek aksenti, se nuk të bën vetëm gjuha, por rregullat e bashkëjetesës, rregullat e komunitetit, rregullat e solidaritet, rregullat e fqinjësisë së mirë”, deklaroi Veliaj.
Në librin me 452 faqe, Delisula përcjell përmes dokumenteve osmane, kontributin e popullsisë vendase në ndërtimin e institucioneve arsimore, si dhe detaje e kuriozitete të panjohura më parë mbi funksionimin e qytetit dhe jetesës së asaj kohe.
“Nëse nëpërmjet këtij libri i kuptojmë kodet e bashkëjetesës së këtij qyteti, se si funksiononte me 10 mijë banorët e parë, e sigurt që do të kthehet në libër të shenjtë, për ta kuptuar edhe 1 milion të tjerët që kanë ardhur më vonë, se vetëm fqinjësia e mirë, bashkëjetesa, zemra e hapur, solidariteti, dëshira për të kontribuar, për të ndihmuar dhe mbajtur njëri-tjetrin lart, është formula e suksesit të kryeqytetit tonë”, theksoi Veliaj.
Ai apeloi për më shumë solidaritet dhe bashkëpunim, ndërsa nënvizoi se beteja për ta bërë Tiranën është një betejë e përditshme. “Ndonjëherë shumë prej këtyre temave urbane që kemi sot, do të duhet t’i vëmë në sytë, në lupën, edhe në mikroskopin e atij që është vendali, i cili thotë: “Ej, prit pak, lashë nga toka ime që të bëhej rruga, dhashë nga prona ime që të bëhej ura, dhashë nga pasuria ime që të bëhej shkolla”. Kjo është fryma që e bëri Tiranën Kryeqytet, dhe është e vetmja frymë që mund t’i mbajë 1 milion vetë bashkë me rregullat e bashkëjetesës, të atyre 10 mijë që ishin të parët në këtë territor. Ndaj, edhe sot, pavarësisht se qyteti ka sfida, unë them, beteja për ta bërë Tiranën është një betejë e përditshme”, tha Veliaj.
Gjatë fjalës së mbajtur në promovimin e librit, kryebashkiaku Veliaj njoftoi emërimin e Delisulës drejtoreshë të Muzeut Etnografik të Tiranës. Rezarta Delisula me një eksperiencë të gjatë në media, publikoi në dhjetor të 2018 librin e saj të parë ”Tirana Mahnia”, një guidë historike, etnografike e zakonore e kryeqytetit, për të cilin u vlerësua me çmimin “Mirënjohja e qytetit” akorduar nga Bashkia e Tiranës.
Komente
Lajme të tjera
-
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
Parada e Shqiptarëve më 28 nëntor në Tiranë, Bashkia e Ferizajt i bashkohet festës së madhe të pavarësisë: Emocion, krenari, lavdi e festë e jashtëzakonshme
13 Nëntor, 20:09 -
FOTOT/ Nis puna për rindërtimin e shkollës 9-vjeçare “Edith Durham”, Veliaj: “Do të jetë një super shkollë me 4 kate, gati për vitin e ardhshëm shkollor”
12 Nëntor, 12:00 -
Veliaj i ftuar në Akademinë Politike të PS: Puna dhe reputacioni që lëmë pas, kontribut dhe vlerë për vendin
9 Nëntor, 14:00 -
Veliaj vizitë dy ditore në Aleksandri: Tirana, simboli i bashkëjetesës Mesdhetare të Kulturës dhe Dialogut
8 Nëntor, 18:50 -
Më 28 nëntor mbahet në Tiranë parada kuqezi, Veliaj thirrje shqiptarëve: Eja festojmë në zemër të qytetit me këngët nga çdo trevë shqiptare
6 Nëntor, 16:13 -
Veliaj thirrje qytetarëve: Ta kthejmë nëntorin në një muaj feste, valëvisni flamurin kudo ku ka shqiptarë (VIDEO)
5 Nëntor, 12:12
EDHE TI MOR CUNI I KURVES,,,NUK JE ME I MIRE SE ZAPTUESIT,,,NJESOJ JE DHE TI SI ATA,,,,ATA ME ZENIET E TOKAVE TE PRONAREVE,,KURSE TI ERION, ME BETONIZIMIN ME PALLATE TE TIRANES,,KUR DUHEJ TE NDETOJE LULISHTE E PARQE....T,Q.R.
PërgjigjuPo pra, duhet kapur Demi" nga briri, duhet një plan urbanistik i detajuar,e kështu menjëherë të lirohen hapësirat publike të zaptuara e uzurpuar.., të prishen muret e gardhet rrethuese abuzive...Kjo është Emergjente!o Populist,fillo me liru trotuaret e me rregullu të gjitha rrugët të 21 dhjetori..,vishi fasadat me pllaka..etj
Përgjigju