Protestë në doganën e Morinës, qytetarët: Shkojmë në Kosovë blejmë ushqime, për një thes misër 10 € duhet të paguajmë 30 euro test PCR

Dhjetëra qytetarë po protestojnë në doganën e Morinës kundër masave anti-covid të vendosur nga qeveria e Kosovës për të parandaluar përhapjen e virusit. Qytetarët kërkojnë heqjen e pengesave, pasi ato shprehen se janë në punë dhe nuk u duket e drejtë.

‘Qeveria e Kosovës të heqë të paktën vaksinën e 3-të dhe tamponin. Ne kemi njerëz tanë atje. Në Kombin tonë na dalin pengesa, ne kemi shumë pengesa. OBSH thotë të lehtësohen lëvizjet e lira e mundësisht të hiqen krejt. Unë e kam gjithë farefisin në Kosovë, çdo kuksianë ka njerëz të vet në Kosovë, boll 40 vjet nuk u pamë edhe sot të mos shkojmë në Kosovë.’- tha një qytetar.

‘Për një thes misër që bën 10 euro, duhet më pagujt 30 euro test PCR.’- u shpreh një qytetar.

LEXO EDHE:
Sherri masiv në Kukës, vetëdorëzohen 3 të shpallurit në kërkim

Lajmi kryesor:

Kosova ashpërson masat kundër-COVID për të kaluar kufirin, protestë në doganën e Morinës: Të hiqet doza e tretë dhe tamponi PCR! Protestuesit tentojnë të bllokojnë rrugën

M.Q./Shqiptarja.com

TAG:
• kosove
• Kukes
• dogana e Morinës
• masat anticovid