Protestë në Lazarat, familjarët e grupit të “zjarrit” apel shtetit: Duam drejtësi, djemtë u dënuan me fjalë jo prova! (VIDEO)

LAZARAT, GJIROKASTËR-Një protestë është zhvilluar në qendër të fshatit, ku familjarët e grupit të zjarrit, kanë kundërshtuar vendimin e gjykatës për Krimet e Rënda për të dënuarit e këtij grupi. Në një lidhje telefonike për Report Tv, e ëma e Dervish Gabës, njërit prej anëtarëve të grupit, ka apeluar për ndihmë nga shteti, dhe për drejtësi për djalin e saj. Ajo ka mohuar përfshirjen e Gabës në të shtënat me armë zjarri ndaj policisë në aksionin kundër kanabisit në vitin 2015.

Jam mamaja, u dënua me 15 vite burg për armëmbajtje pa leje. Policia erdhi në shtëpi, s’gjeti asnjë fishekë jo armë. Atë natë, Dervishi ishte në shtëpi. Njëri nga djemtë ka kallëzuar se Dervishi ishte në qendër, por ai punonte si kamarier. Ai u dënua për një thënie që thanë se Dervishi ishte tek lokali. Kërkojmë drejtësi,  i bëjmë thirrje Gjykatës së Krimeve të Rënda të na japë të drejtën se djali rri kot në burg. S’ka prova.

E ëma e Dervish Gabës.

Një nga banorët e Lazaratit ka thënë se Lazarati është vënë në qendër të sulmit nga qeveria socialiste.

LEXO EDHE:
Mozambiku në kaos pas protestave, 33 të vdekur nga revolta në burg dhe mbi 1500 të arratisur

Më vjen keq që tubimi ka mbledhur shumë pak njerëzit. Njerëzit janë ngopur me grupime dhe tubime. Ka të tjerë më nevojtarë, ka familje në nevojë që nuk marrin as ndihmën ekonomike. Duhet të themi, që gjithë ky brez i ri kërkojnë punë dhe kërkojnë të derdhin djersër për familjen dhe atdheun. Padrejtësitë që ka bërë kjo qeveri për fshatin tonë janë të panumërta.

Një nga banorët e fshatit Lazarat

Gjykata e Krimeve të Rënda dënoi me 2 burgime përjetë Albion Alikon dhe Bajram Bocin, dhe dënoi me 150 vite burg 7 anëtarët e tjerë të grupit. Grupi i kryesuar nga Aliko dhe Boci u akuzua për vrasjen e efektivit të RENEA-s., Ibrahim Basha në qershor të vitit 2015. 

Vrasja e efektivit të RENEA-s në Lazarat solli një valë arrestimesh dhe shoqërimesh në fshatin rebel që sot kërkon drejtësi për të rinjtë e Lazaratit. 

Si u vra efektivi i RENEA- mëngjesin e 24 qershorit 2015

Ibrahim Basha u qëllua me një plumb në kokë më 24 qershor 2015 në hyrje të fshatit të Lazaratit. RENEA ishte njoftuar për një situatë problematike në Gjirokastër, ku ishin raportuar të shtëna me armë zjarri, rreth orës 05:00 të mëngjesit dhe menjëherë është nisur një grup efektivësh të forcave speciale. 

Ibrahim Basha, efektivi i RENEA-s që u vra në Lazarat

Pasi automjeti i RENEA ka hyrë për patrullim në fshat, i është bërë pritë dhe është ndeshur me breshëri armësh. Nga të shtënat efektivi i RENEA Ibrahim Basha mori një plumb në kokë dhe humbi jetën në vend, ndërsa u plagosën edhe dy kolegë të tij, Jetmir Isaj dhe Perlat Shpati. Ngjarja tronditi mbarë opinionin publik pasi ndodhte në një kohë kur në Lazarat ishin shkatërruar grupet kriminale të drogës dhe ishte vendosur qetësia.

TAG:
• proteste
• lazarat
• ibrahim basha
• Alban Aliko
• grupi i zjarrit
• arbion aliko
• dervish gaba

Sondazhi i ditës:

Si ka qene per ju viti 2024?

• I mire

  44.1%

• I keq

  22.7%

• As i mire as i keq

  33.2%

Vota total: 1509

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq