Rikthehet qarkullimi në bulevardin “Dëshmorët e Kombit” pas bllokimit gjatë natës nga protestuesit para kryeministrisë.

Një pjesë e tyre kaluan natën para godinës së qeverisë, të ulur në karrige metalike ndërsa në shkallët e kryeministrisë, shihen edhe këpucë, një simbol për të larguarit në emigrim.

Edhe pse rruga është liruar, ata janë vendosur në pjesën e trotuarit, duke përdorur disa çadra për hije nga vapa përvëluese.

Edhe pas përfundimit të protestës të së shtunës, një grup protestuesish vijuan qëndrimin e tyre para godinës së qeverisë, i cili zgjati përgjatë gjithë ditës së diel.