TIRANË-60 minuta para se Kuvendi të mblidhet për të ngritur strukturat e reja të parlamentit, dy partitë e mëdha PS dhe PD kanë mbledhur grupin e tyre parlamentar, ku janë dhënë porositë dhe direktivat për deputetët. Burime për Report Tv konfirmuan se opozita do të përfaqësohet me 3 grupe në parlament, njëri demokrat dhe 2 të aleatëve. Por pa grup parlamentar Basha la LSI dhe ish liderin e PD, Sali Berishën.
Në shkresën që ka depozituar Partia Demokratike në Kuvend, në përbërje të grupit të saj ka 44 deputetë, ndërsa kryetar i grupit është Alfred Rushaj, nënkryetar Ervin Salianji dhe Luçiano Boçi, Sekretar Arbër Agalliu dhe zëdhënëse e grupit Orjola Pampuri.
Aleatët që të mundin të formojnë një grup parlamentar duhet të kenë 7 deputetë dhe për këtë Basha u ka dhënë aleatëve të PD 'borxh' depuetët e tij për të mundur të formojnë grupet e tyre parlamentare. Në një nga grupet en opozitës "Grupi i Aleancës për Ndryshim" ka në përbërje 4 aleatët e Bashës dhe 3 deputetët e Partisë Republikane. Kryetar i grupit do të jetë Fatmir Mediu, nënkryetar Agron Duka, sekretare Elda Hoti dhe zëdhënëse Merita Bakiu. Anëtarë do të jenë Vangjel Dule, Emilja Koliqi dhe Dashamir Shehi.
PD ka vendosur të ndihmojë PDIU duke i dhënë 4 deputetë për krijimin e grupit parlamentar. Çamët e Shpëtim Idrizit kanë formuar grup parlamentar më vete, duke i huazuar disa deputetë Bashës. Kështu, kryetare e Grupit Parlamentar për Demokraci dhe Integrim është Mesila Doda, nënkryetare Ilda Dhori, Sekretar Nusret Avdulla ndërsa zëdhënëse Andia Ulliri. Shpëtim Idrizi ka zgjedhur të jetë anëtar i grupit së bashku me Selaudin Jakupllarin dhe Kasëm Mahmutajn.
Ndarja e grupeve parlamentare konfirmoi krizën mes PD e LSI. 4 deputetët e kësaj të fundit, mbetën pa grup, pasi për të formuar një të tillë, u duhej të huazonin të paktën 3 deputetë nga listat e Bashës. LSI përfaqësohet në Kuvend nga 4 deputetë, Monika Kryemadhi, Perit Vasili, Erisa Xhixho dhe Agron Çela. Edhe Berisha mbeti pa grup parlamentar, por në formularin dërguar Kuvendit, Berisha ka deklaruar se është pjesë e Grupit Parlamentar Demokrat, duke i dërguar një tjetër mesazh Lulzim Bashës se nuk e njeh vendimin e tij për ta përjashtuar.
Nga ana tjetër në mbledhjen e PS nuk pa surpriza, ku 74 deputetët që fituan mandatin nën siglën rozë do të drejtohen nga Taulant Balla si kryetar i grupit të socialistëve.
Pa grup mbetën edhe 3 deputetët e Partisë Social Demokrate.
Por çfarë do të thotë mungesa e grupit parlamentar? Grupeve parlamentare u sigurohen zyra në Kryesinë së Kuvendit. Çdo grupi parlamentar i vihet në dispozicion një sekretar dhe këshilltar. Çdo grupi parlamentar i dedikohet kohë për të folur enkas në seancën plenare. Gjithashtu krerët e grupeve parlamentare kanë trajtime financiare me të larta se deputetët e thjeshtë, me 9 mijë lekë shtesë në pagë. Kështu, në mungesë të grupit parlamentar, LSI humbet mundësinë e pasjes së zyrës në kryesinë e Kuvendit, këshilltarë, kohën e veçantë për të folur në seancën plenare dhe trajtimin financiar për një nga deputetët që mund të drejtonte grupin parlamentar.
Gjatë mbledhjes së sotme të grupit parlamentar të PS, Taulant Balla është konfirmuar si kryetar i grupit Parlamentar të PS. Balla mori mbështetjen e deputetëve socialistë për drejtimin e Grupit Parlamentar me 72 vota pro, asnjë kundër dhe asnjë abstenim.
Më herët Rama u ka thënë deputetëve të PS që të shmangin provokimet dhe debatet me opozitën
“Mos replikoni dhe mos u provokoni nga opozita. Mbroni ligjet që do shqyrtohen në seancat parlamentare”, ka thënë Rama më herët dhe këto porosi sigurisht janë përsëritur nga Balla gjatë mbledhjes së grupit
Kryedemokrati Lulzim Basha ka ndihmuar edhe PDIU-në dhe aleatët të formojnë grupet parlamentare opozitare në Kuvend. Report Tv ka zbardhur emrat që do të jenë në dy grupet e tjera opozitare përkatësisht Grupi Parlamentar Aleanca per Ndryshim dhe Grupi per Demokraci dhe Integrim
Grupi Parlamentar Aleanca per Ndryshim do të jetë grupi i 4 aleatëve të Bashës dhe 3 deputetëve të Partisë Republikane
F. Mediu Kryetar
A. Duka nenkryetar
Merita Bakiu- Zedhenese
Elda Hoti - Sekretare
Vangjel Dule- anetar
Emilja Koliqi- anetar
Dash Shehi- anetar
Nën grupin e PDIU-së, Grupi per Demokraci dhe Integrim anëtarët janë:
Mesila Doda -Kryetar
Ilda Dhori- nenkryetar
Andia Ulliri- Zedhenes
Nusret Avdulla- sekretar
Shpetim Idrizi- anetar
Selaudin Jakupllari - anetar
Kasem Mahmutaj- anetar
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!
25 Dhjetor, 19:46 -
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
Protesta e Berishës, Faik Basha: Rëndësi ka cilësia, jo numrat! Haklaj: Mosbindja civile, teatër! PD bllokoi rrugët, vepër penale
25 Dhjetor, 17:47 -
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11
