POP 5

Lajmet më të lexuara të 5 minutave të fundit

Politikë

PS, Kuvendit: Duam
të hetojmë ministritë

Pas vrasjeve të bujshme, shkeljes së Kushtetutës nga ministri i Mbrojtjes, emërimet nepotike në ministrinë e Brendshme, verfikimi i dokumentacioneve dhe zbatueshmëria e ligjit do të jetë objekti i dy grupeve të punës të ngritura nga Kuvendi i Shqipërisë. Pas miratimit në këtë komision, pritet që deputetët të mësyjnë në institucione.
PS, Kuvendit: Duam <br />të hetojmë ministritë
TIRANE - Deputetët e PS-së, anëtarë të Komisionit të Sigurisë Kombëtare i kanë dorëzuar kryetarit të këtij komisioni një kërkesë mbi mbikqyrjen e tre institucioneve të rëndësishme për sigurinë në vend. Leonard Demi, krytari i komisionit është njohur me këtë kërkesë dhe pritet që javën e ardhshme të miratohet kerkesa nga përfaqesues te të dyja forcave politike në këtë komision. Hartuesit e kësaj kërkese, Armando Prenga dhe Piro Lutaj kanë përcaktuar piketat se ku do ta bazojnë 'hetimin' për tre institucionet që kanë të bëjnë me sigurinë në vend. Ministria e Brendshme, Ministria e Mbrojtjes dhe Garda e Republikes, do të jenë tre institucionet që do të mbikqyren nga deputetët e Kuvendit të Shqipërisë për ngjarjet e fundit në vend. Për këtë do të ngrihen dy grupe pune që do të bëjnë të mundur mbikqyrjen e institucioneve.

Ministria e Mbrojtjes
Deputetët e PS në kërkesën e paraqitur në komisionin e sigurisë kanë renditur pikat se çfarë do të mbikqyrin në Ministrinë e Mbrojtjes. Gradat, përmbushja e detyrimeve të NATO-s, mbikqyrja e paketës ligjore për funksionimin e FA-së, mbikqyrja e zbatimit të buxhetit, mbikqyrja e veprimtarisë ndërmarjes MEJKO dhe administrimi i fondeve që rrjedhin prej këtij aktiviteti, arsimimi ushtarak, buxhetimi për përballimin e emergjencave civile janë disa prej pikave ku hartuesit e kërkesës do të mbikqyrin në këto tre institucione. "Mbikqyrja e zbatimit të Ligjit "Për Gradat në FA në RSH", në procesin e gradimeve të bëra nga Ministri i Mbrojtjes, në vitet 2010 dhe 2011; Mbikqyrja e Planit të Përhapjes së FA, ndryshimet strukturore që janë bërë dhe pritet të bëhen; Mbikqyrja e paketës ligjore për funksionimin e FA, në kuadër të mjedisit të ri gjeopolitik, të krijuar në Shqipëri pas anëtarsimit në NATO; Mbikqyrja e kapaciteteve operacionale të FA dhe programeve të hartuara lidhur me modernizimin e armatimit dhe paisjeve që do të përdoren në kuadër të detyrave të përbashkëta me NATO; Mbikqyrja e zbatimit të buxhetit, në funksion të përmbushjes së objektivave të Forcës; Mbikqyrja e veprimtarisë ndërmarjes MEJKO dhe administrimi i fondeve që rrjedhin prej këtij aktiviteti, nga ana e MM; Mbikqyja e veprimtarisë SHIU, zbatimi i legjislacionit, objektivat dhe funksionimi konkret i tij; Mbikqyrja e përmbushjes së detyrave të lëna nga konferenca e 4-ët Shqipëri-NATO qershor 2011", thuhet në kërkesë dorëzuar Komisionit të Sigurisë.

Ministria e Brendshme
Për sa i përket Ministrisë së Brendshme, deputetët e Kuvendit do të shtrijnë mbikqyrjen në zbatimi i ligjit "Për Policinë e Shtetit", lidhur me politikat e personelit dhe vendosjen e gradave për efektivat e Policisë. Po ashtu do të bëjnë edhe verifikimin e tregueseve dhe modeli statistikor që përdoret nga Ministria e Brendshme dhe drejtuesit e Policisë së Shtetit, për pasqyrimin e situates kriminale në vend. Po ashtu deputetët do të kërkojnë dokumentacionin mbi vrasjen e deputetit Fatmir Xhindi, kryekomunarit Remzi Veseli, Gjygjtarit Skerdilajd Konomi dhe Oficerit të SHISH, Isa Copa. Po ashtu do të këkrohen edhe statistikat mbi krimin në vend.

(fc/im/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Plagosja e 50-vjeçarit shqiptar në Greqi, zbulohet dëshmia e shitëses: Thirri për ndihmë, i dilte shumë gjak dhe i vura një peshqir!

Plagosja e 50-vjeçarit shqiptar në Greqi, zbulohet dëshmia e shitëses: Thirri për ndihmë, i dilte shumë gjak dhe i vura një peshqir!

25 Dhjetor, 18:01