POP 5

Lajmet më të lexuara të 5 minutave të fundit

Politikë

PS-LSI bashkohen në "Aleancën
për Shqipërinë Europiane"

Partia Socialiste e Shqipërisë dhe Lëvizja Socialiste për Integrim u bashkuan sot në kuadrin e “Aleancës për Shqipërinë Europiane”. Kryetarët e dy partive, Edi Rama dhe Ilir Meta, nënshkruan sëbashku marrëveshjen politike të koalicionit parazgjedhor në Shkodër, gjatë zhvillimit të Konferencës Rajonale të Partive Socialiste Europiane. Marrëveshja PS-LSI u bazua mbi Kartën e Parimeve. Kryetari i PS-së, Edi Rama, tha: "Ne sot firmosim marrëveshjen që do t'i kthejë popullit shqiptar, të drejtën sovrane të qeverisjes së këtij vendi" ndërsa, kryetari i LSI-së, Ilir Meta, tha: "Ishte kënaqësi e vërtetë që firmosa në qytetin e Shkodrës, sepse Shkodra ka vlera të jashtëzakonshme, të cilat e lidhin historikisht me Europën dhe ky do jetë ogur shumë i mbarë i "Aleancës për Shqipërinë Evropiane"".
Teksti i plotë i Kartës së Parimeve të Bashkimit PS-LSI në aleancë
Berisha: Rama e Meta firmosën në Shkodër "epitafin" e Rilindjes
Rama: Me PBDNJ-në, bashkë në "Aleancën për Shqipërinë Europiane"
Partitë Socialiste Europiane, konferencë për herë të parë në Shqipëri
PS-LSI bashkohen në për Shqipërinë Europiane"">
TIRANË – Partia Socialiste e Shqipërisë dhe Lëvizja Socialiste për Integrim u bashkuan sot në kuadrin e “Aleancës për Shqipërinë Europiane”. Kryetarët e dy partive. Edi Rama dhe Ilir Meta, nënshkruan sëbashku marrëveshjen politike të koalicionit parazgjedhor në Shkodër, gjatë zhvillimit të Konferencës Rajonale të Partive Socialiste Europiane. Të dy kryetarët, Meta dhe Rama vlerësuan rëndësinë e një politike të re, e cila bashkon miqtë dhe armiqtë, që sheshon konfliktet shekullore, që sheh përpara drejt demokracisë. Të dy ata falenderuan miqtë nga Europa, që me ndikimin e tyre bënë të mundur bashkimin e dy partive më të mëdha të së majtës shqiptare.

Marrëveshja PS-LSI u bazua mbi Kartën e Parimeve, në të cilën thuhet: “PS dhe LSI, me shqetësimin e përbashkët të zhvillimit të demokracisë në Shqipëri, me bindjen se institucionet e pavarura janë kthyer në zgjatime të partisë në pushtet, me bindjes së nevojitet rotacioni politik dhe me vetëdijen e përbashkët të integrimit të Shqipërisë në familjen europiane, me vullnetin e përbashkët se do sjellin reformat ë thella, me qëllimin e përbashkët për t’i dhënë Shqipërisë një rol aktiv në marrëdhëniet me Kosovën,vendosin të bashkohen në kuadrin e “Aleancës për Shqipërinë Europiane” duke garantuar një bashkëpunim strategjik, programor dhe politik, një bashkëpunim afatgjatë, si:
1) anëtarësimin e Shqipërisë ne BE brenda dy mandateve qeverisëse;
2) vizion europianizues duke lëne pas nacionalizimin;
3) respektimin e Kushtetutës;
 4) qasje e re e opozitës në parlament;
5) kohezion të brendshëm për pavarësinë e institucioneve;
6) garantimin e lirive të opozitës;
7) ndarje e re e punëve mes legjislativit dhe ekzekutivit;
8) organizim të drejtësisë; 9) politikë të re për rininë;
10) angazhim ndaj sipërmarrësve;
 11) politikë të re për punësimin e grave;
12) heqjen e një sërë taksave;
13) zgjidhjen e çështjes së pronave;
14) vëmendje ndaj barazisë gjinore etj.
15. Një objektiv madhor: Anëtarësimin e Shqipërisë në Bashkimin Europian brenda harkut të dy mandateve qeverisëse, ku të bashkuar në emër të shumicës së shqiptarëve dhe me dorën e bashkëpunimit të shtrirë ndaj përfaqësuesve të pakicës në emër të Shqipërisë Europiane, do t’i shërbejmë besnikërisht popullit shqiptar.

Para nënshkrimit të kësaj marrëveshjeje, kryetari i PS-së, Rama, u deklaroi miqve socialistë dhe socialdemokratë, të ardhur nga Europa: "15 vjet më parë ne kemi qënë në luftë  dhe kjo sallë do të dukej si fantazi e çmendur. Por ka ndodhur një ndryshim marramendës, sepse ja tek jemi këtu si njerëz të ardhur nga zonat e një konflikti që dukej i pambarimtë për Ballkanin dhe me finalizimin e marrëveshjes mes Serbisë dhe Kosovës, shënon përfundimin e shpërbërjes së ish-Jugosllavisë. Pra, në harkun e jetës sonë ne bëmë ndryshime të pamundura dhe në shekuj. Jemi këtu, pra, si mishërim i shembullit të jashtëzakonshëm të fuqisë së politikës për të ndryshuar gjërat. Ne sot firmosim marrëveshjen që do t'i kthejë popullit shqiptar, të drejtën sovrane të qeverisjes së këtij vendi". Ndërsa, pas nënshkrimit të saj, Rama shkroi në Fb: "Konferenca e PES për Ballkanin, një sukses i plotë dhe fillimi zyrtarisht edhe i rrugës së përbashkët të PS-LSI drejt fitores së 23 Qershorit".

Kryetari i LSI-së, Ilir Meta, iu drejtua miqve europianë me fjalët se "edhe pse jemi vend anëtar i NATO, kemi probleme shqetësuese me standartet e zgjedhjeve dhe kjo është e papranueshme. Ne nuk do tolerojmë që Shqipëria të mbetet peng i politikës konfliktuale. Eshtë e pafalshme që Serbia dhe Kosova zgjidhin një marrëveshje, pavarësisht të kaluarës së përgjakshme, ndërsa ne nuk zgjidhim dot problemin e KQZ-së. Ne kërkojmë një politikë properëndimore, që nuk përplaset me perëndimin", ndërsa në përfundim të marrëveshjes, tha: "Ishte kënaqësi e vërtete që firmosa në qytetin e Shkodrës, sepse Shkodra ka vlera të jashtëzakonshme, të cilat e lidhin historikisht me Europën; ky do jetë ogur shumë i mbarë i "Aleancës për Shqipërinë Evropiane". E vetmja alternativë më e shpejtë dhe më e mirë për bashkimin e shqiptarëve është ajo e integrimit evropoian", - përfundoi Meta.


rama meta firmosin koalicionin PS-LSI 22 prill, 2013

(Rama - Meta firmosin koalicioni PS-LSI)

Redaksia online
(ar.sh/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Rama në Komisionin e Posaçëm Antikorrupsion: U bë target gjithfarëlloj akuzash, por do jetë mjet i pazëvendësueshëm pë anëtarësimin në BE

Rama në Komisionin e Posaçëm Antikorrupsion: U bë target gjithfarëlloj akuzash, por do jetë mjet i pazëvendësueshëm pë anëtarësimin në BE

27 Nëntor, 13:23