POP 5

Lajmet më të lexuara të 5 minutave të fundit

Politikë

PS në Universitetin e Kamzës
për zhvillimin rural të integrua

Në kuadrin e takimeve Rruga e Programit, Komisioni i Programit për Çështjet Sociale në Partinë Socialiste, zhvilloi një takim me studentë dhe pedagogë të Universitetit Bujqësor të Tiranës në Kamzë.
PS në Universitetin e Kamzës <br />për zhvillimin rural të integrua
TIRANE - Në kuadrin e takimeve Rruga e Programit, Komisioni i Programit për Çështjet Sociale në Partinë Socialiste, zhvilloi një takim me studentë dhe pedagogë të Universitetit Bujqësor të Tiranës në Kamzë. Kryetari i Komisionit Parlamentar të Punës dhe Çështjeve Sociale Prof. Ethem Ruka, Kryetari i Komisionit të Programit të PS për Çështjet Sociale Prof. Kosta Barjaba, dhe anëtarja e këtij komisioni Prof. Natasha Hodaj, paraqiten disa aspekte themelorë të Programit Social të PS.

Prof. Ethem Ruka foli mbi politikat e ardhshme të qeverisjes socialiste në fushën e zhvillimit të integruar rural, duke pasur në fokus rritjen e produktivitetit të punës në bujqësi dhe të konkurrueshmërisë së bujqësisë shqiptare. Këto do të krijojnë kushte për përmirësimin e cilësisë së jetës në fshat dhe zonat rurale, sipas tij. Mjeti më i fuqishëm për përparimin e fshatit dhe të bujqësisë, nënvizoi Prof. Ruka, është zhvillimi dhe përvetësimi i dijeve dhe mjeshtërive të punës.

Prof. Kosta Barjaba zbërtheu disa nga aspektet e programit social, me fokus të veçantë në përmirësimin e cilësisë së jetës, të politikave dhe shërbimeve në zonat rurale. Sinergjia midis zhvillimit bujqësor dhe jobujqësor, nënvizoi Barjaba, në Programin tonë është e plotësuar nga sinergjia midis ndërtimit të politikave sociale dhe rrjetit të shërbimeve sociale edhe në fshat. Programi socialist synon të zbatojë politika sociale aktive, përparësia e përparësive të të cilave do të jenë politikat e punësimit. Politika më e mirë sociale, në vizionin e PS, është krijimi për të gjithë i mundësive për të punuar. Rrezja e veprimit të shërbimeve sociale, e cila sipas PS është aktualisht shumë e kufizuar, gjatë qeverisjes së ardhshme socialiste do të arrijë në edhe në skajet më të largëta të vendit.

Prof. Natasha Hodaj, pedagoge në UBT, nënvizoi rendësinë që ka arsimi dhe formimi profesional në zhvillimin e bujqësisë dhe ndërtimin e një cilësie më të mirë jetese në zonat rurale.

Të tre prezantuesit e Programit iu përgjigjën interesimit të studentëve dhe pedagogëve për më shume detaje nga programi socialist, pyetjeve të tyre për aspekte specifikë të Programit si edhe mirëpritën rekomandimet e studentëve dhe pedagogëve të UBT për përmirësimin e këtij Programi. Programi socialist, nënvizoi në fund të takimit Kosta Barjaba, po hartohet gjatë një procesi konsultimi aktiv dhe funksional me qytetarët dhe publikun, pra në një kantier pune dhe kontributesh të përbashkëta dhe plotësuese. Ky Program mban autorësinë e qytetarëve shqiptarë, thuhet në një komunikatë për shtyp të selisë rozë.

(im/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29