POP 5

Lajmet më të lexuara të 5 minutave të fundit

Politikë

PS nxit ‘xhelozi’ mes ‘dy PD-ve’ te ‘Veprimtaria Prodhuese’, mazhoranca refuzon Vasilin për energjinë e rinovueshme! Baçi: Alibeajt ja pranoni ligjet

Mazhoranca nxit ‘xhelozi’ mes dy kampeve të Partisë Demokratike. Luan Baçi i ‘Rithemelimit” evidentoi në komisionin e Veprimtarive prodhuese se socialistët pranojnë vetëm nismat ligjore të PD-së së Alibeajt, por refuzojnë ato të PD-së së Rithemelimit, siç ndodhi sot me energjinë e rinovueshme.

Pranimi i disa nismave ligjore të Partisë Demokratike të Alibeaj, si ligji për hapjen e dosjeve të ish-sigurimit të shtetit, lustracioni, kodi rrugor...etj, duket se kanë nxitur “xhelozinë” e kampit të “Rithemelimit” dhe aleatëve të tij.

Ndryshimet ligjore të kërkuara nga Partia e Lirisë, për t’i hapur rrugën investimit në energjinë e rinovueshme për vetë-konsum deri në 2 MË, nga 0.5 MË që lejohet aktualisht, janë vlerësuar jo të rëndësishme nga mazhoranca në Komisionin e Veprimtarisë Prodhuese.

Duke prezantuar ndryshimet ligjore, deputeti i Partisë së Lirisë, Petrit Vasili, hasi në kundërshtinë e përfaqësuesve të mazhorancës.

Ky qëndrim i Socialistëve nuk u prit mirë nga Luan Baçi, i Partisë Demokratike të Rithemelimit, i cili akuzoi mazhorancën se pranon vetëm nismat e Pd-së së Enkelejd Alibeajt.

Nisma e Vasilit është pjesë e dhjetëra nismave ligjore të sjella nga opozita në Kuvend këtë fillimvit. Një pjesë e tyre janë refuzuar nga mazhoranca, e disa të tjera janë vlerësuar pozitive dhe është kërkuar që t’u bashkëngjiten nismave të ngjashme të qeverisë për të hartuar paketa të plota ligjore dhe me konsensus.

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A merr fund kriza në PD me zgjedhjen e kryetarit të ri më 29 korrik?

Lajme të tjera



×

Lajmi i fundit

VIDEO / 3 gola në pjesën e dytë, West Ham mund Fiorentinën në finale dhe fiton Conference League

VIDEO / 3 gola në pjesën e dytë, West Ham mund Fiorentinën në finale dhe fiton Conference League

7 Qershor, 23:03