POP 5

Lajmet më të lexuara të 5 minutave të fundit

Politikë

PS, votohet nesër për
kryetarin e Tiranës

Nesër në orën 10.00 në Teatrin e Operas dhe Baletit 620 anëtarët e Asamblesë së zgjeruar për kryeqytetin do të mblidhen për të votuar mes kryetarit të komanduar Sajmir Tahiri dhe kandidatit tjetër Ilir Zela.
TIRANË – Socialistët e kryeqytetit do të zgjedhin të shtunën kryetarin e ri të partisë për Tiranën, pas dorëheqjes së Besnik Barës pak muaj më parë. Nesër në orën 10.00 në Teatrin e Operas dhe Baletit 620 anëtarët e Asamblesë së zgjeruar për kryeqytetin do të mblidhen për të votuar mes kryetarit të komanduar Sajmir Tahiri dhe kandidatit tjetër Ilir Zela.
Pas fjalës së sekretarit organizativ Blendi Klosi, sipas burimeve zyrtare pranë PS do të paraqesin plaftormën e tyre dy kandidatët e më pas do të mbajë fjalën e rastit kryesocialisti Edi Rama.

VOTIMI
Të drejtën e votimit për të zgjedhur kryetarin e ri të degës më të madhe të PS e kanë delegatët e Kongresit, kryetarët e degëve të PS së Tiranës, anëtarët e Këshillit Bashkiak dhe anëtarët e Asamblesë Kombëtare të kryeqytetit. Pas votimit në Tiranë, socialistët do të zgjedhin drejtuesit lokalë edhe në 117 njësitë e tjera në të gjithë vendin.

TAHIRI: FITORJA E ZGJEDHJEVE NË 2013
Paraprakisht mësohet se Sajmir Tahiri platformën që do të paraqesë nesër do ta bazojë tek fitorja e zgjedhjeve, bazuar në eksperiencën e vitit 2009 kur ai u zgjodh për herë të parë deputet në zonën e Kombinatit. Vizioni i tij: Ps e Tiranës të behet një makineri perfekte elektorale. Kandidati Tahiri propozon strukturimin e degës së Tiranës me elementë institucionalë të rinj, duke nisur që nga koordinatorët dhe 4 sekretariate, e deri te instalimi i patronatit, që nënkupton një mbikëqyrje dhe monitorim të votuesit në kuptim te kapitalizimit eventual nëe zgjedhje.

ZELA: FORCIM I KOALICIONIT OPOZITAR
Kandidati tjetër Ilir Zela e mbështet platformën e tij në 10 pika, duke nisur me forcimin e koalicionit të PS me partitë e tjera opozitare. Më tej, Zela rendit efektivitetin organizativ, intensifikimin e kontakteve, meritokracinë dhe gjithëpërfshirjen në promovim, hapjen ndaj intelektualëve, thithjen e progresistëve si edhe një kolegjialitet në vendimmarrje.


(aq/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

15 Janar, 21:27 nga Xhensila Nako