POP 5

Lajmet më të lexuara të 5 minutave të fundit

Opinion

Pse Lulëzim Bashën e mbështet
vetëm Doris Pack? Nga Ilir Yzeiraj

Është dhe një senator në Itali me emrin Antonio Razzi që viziton diktatorin e Koresë së Veriut dhe fotografohet me Bashar Al Asadin. Pra deri këtu nuk ka asnjë gjë të çuditshme.
Është dhe një senator në Itali me emrin Antonio Razzi që viziton diktatorin e Koresë së Veriut dhe fotografohet me Bashar Al Asadin. Pra deri këtu nuk ka asnjë gjë të çuditshme. Edhe Doris Pack është në të drejtën e saj që të pëlqejë Berishën e Bashën dhe të flasë me gjuhën e tyre nga Brukseli. Problemi qëndron diku tjetër.

Si ka mundësi që nuk ka as edhe një institucion të vetëm ndërkombëtar që ta mbështesë PD-në në aksionin e saj ultimativ, pra të jetë dakord me të për krijimin e qeverisë teknike dhe largimin e Edi Ramës si kusht për të marrë pjesë në zgjedhje? Si ka mundësi që asnjë zyrë, asnjë institucion ndërkombëtar nuk e mbështet PD-në në këtë kërkesë ultimative?

Nëse do të bënim retorikë do të thoshim se PD-ja përfaqëson kështu një forcë politike që nuk ka më si orientim Perëndimin, por vetveten se e vërteta që ajo artikulon nuk mbështetet mbi të vërtetën që artikulojnë partnerët ndërkombëtarë e kështu me radhë. Mirëpo, nëse do të linim mënjanë retorikën dhe do ta shihnim problemin drejt në sy, do të vërejmë me keqardhje se ky është rasti i dytë në historinë politike të tranzicionit që PD-ja nuk përfill këshillat dhe zgjidhjet që sugjerojnë partnerët ndërkombëtarë për daljen nga kriza. E bëri njëherë këtë në vitin 1996 dhe të gjithë e dimë se si përfundoi, po e realizon edhe tani.

Nëse ata që e mbështesin PD-në dhe Lulëzim Bashën në këtë qëndrim, do të ishin pak më të ftohtë, do të duhet të arsyetonin sipas një logjike tjetër. Qoftë Edi Rama, qoftë Basha e Berisha si politikanë që kanë drejtuar këtë vend perceptohen në mënyra të ndryshme nga mbështetësit e tyre. Edhe këtu nuk është rasti që të kujtojmë se si e percepton njëra palë palën tjetër.

Ajo që ka rëndësi në këtë krizë ku jemi futur është se me veprimin që po bën PD-ja dhe Basha, po ia heq mundësinë popullit që të vendosë se kush do ta drejtojë këtë vend në katër vitet e ardhshme. Meqenëse këtë kriter e kemi humbur, na duhet të gjejmë një arbitër tjetër. Në këtë rast, partnerët tanë ndërkombëtare, vetë Kancelarja Merkel, e impenjuar në zgjidhjen e kësaj krize ka rekomanduar përmes të dërguarve të saj dhe të BE-së këtu që PD-ja të hyjë në Parlament dhe të marrë pjesë në zgjedhje dhe tani në fund PS-ja bëri lëshime të tjera por vuri kusht Vetingun.

Lulëzim Basha qeverinë teknike dhe largimin e Edi Ramës. Tani si ka mundësi që Lulëzim Basha dhe PD-ja kundërshtojnë aleatët tanë perëndimorë dhe SHBA-në natyrisht? Cili është kriteri tjetër i së vërtetës që ata do ta paraqitin? Ky vend është i lodhur dhe nuk ka asnjë mundësi të përfshihet në konflikte civile. Atëherë cili do të jetë negociatori që do ta bindë PD-në? Deri tani ai nuk gjendet as në Europë as në SHBA.

Redaksia Online
l.q/Shqiptarja.com

/Shqiptarja.com
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

SHBA, avioni me 64 pasagjerë në bord përplaset me një helikopter ushtarak në Uashington, ka viktima

SHBA, avioni me 64 pasagjerë në bord përplaset me një helikopter ushtarak në Uashington, ka viktima

30 Janar, 07:16