POP 5

Lajmet më të lexuara të 5 minutave të fundit

Opinion

Pse me Berishën, dhe jo me të ardhmen?

Po humbasim kaq shumë kohë duke u marrë me Berishën dhe të vetët, sa që po harrojmë të merremi me të ardhmen tonë. Media, njerëzit në rrugë, kafene, pensionistët stolave dhe trotuareve, madje dhe të rinjtë, shpesh i dëgjon tek flasin me njëri-tjetrin për “Berishën, klubin “Partizani”, Gerdecin, 21 Janarin”, etj.

Pse me Berishën, dhe jo me të ardhmen?

Po humbasim kaq shumë kohë duke u marrë me Berishën dhe të vetët, sa që po harrojmë të merremi me të ardhmen tonë. Media, njerëzit në rrugë, kafene, pensionistët stolave dhe trotuareve, madje dhe të rinjtë, shpesh i dëgjon tek flasin me njëri-tjetrin për “Berishën, klubin “Partizani”, Gerdecin, 21 Janarin”, etj.

Duket sikur gjithë shoqeria e ka mëndjen tek Berisha, Bardhi, Lulzimi, dhe aspak tek problematikat e ditës, jetës, familjes. Duket sikur kanë harruar familjet, të ardhmen e fëmijëve, duke u marrë me “Asgjënë”. Kjo ka në fakt 32 vjet që ndodh me ne si shoqeri. Mungesa e marrjes me punët tua dhe fatin e familjes, apo dhe hallet personale, i shtyn shqiptarët të merren me politikën, politikanët, fatin dhe jetët e tyre, si askund vend tjeter në botë. Edhe fëmija 5 vjeçar, di kush është Berisha, Bardhi, Basha, Muli, PD, PS, madje di edhe emrat e ministrave.

Pse xhanëm të merremi me punët e drejtësisë. Shpesh, ose gati çdo ditë dëgjon biseda “sa do të dënohet Berisha, po Ahmetaj, sa do të dënohet Malltezi, po Safet Gjici”, thua se këta janë problemi i tyre. Ajo që ndodh me shqiptaret, nuk ndodh kurrë me italianët, gjermanët, francezët, zviceranët, apo amerikanët. Mungesa e punës, mungesa e mbushjes së kohës me zbavitje të tjera apo dhe hallet e familjes, i shtyn shqiptarët drejt kuriozitetit ekstrem. Eshtë absurde, të merresh me fatin e Berishës, Malltezit, Ahmetajt etjjj, dhe të mos merresh me të ardhmen e djalit, vajzës, shkollimin, sjelljet dhe edukimin e tyre, apo dhe të tjera probleme që ka sot familja.

Ka prej tyre, që parësore kanë “lajmin e fundit”, blerjen e gazetës (jemi i vetmi popull që pa vajtur ora 07.00 kemi blerë edhe gazetën e fundit në treg) dhe leximin e portaleve për ndonjë “arrestim politikani apo kryebashkiaku” apo për “ecurinë e SPAK-ut lidhur me Berishën”, por jo duke u marrë me të ardhmen e tyre. Politika i ka “injektuar” shqiptarëve mendësinë e gabuar. Dhe më e keqja është se, avazi vazhdon dhe u transmetohet brezave. Çfarë bën gjyshi bën babai, çfarë bën babai bën i biri, dhe gjithçka shkon si një monotoni e frikshme. Askush nuk merret (madje edhe të papunët rrugëve merren me fatin e Berishës dhe punët e SPAK-ut) me punët e tij, por me hallet dhe të ardhmen e tjetrit.

Vetëm tek ne, ndodh që njerëzit në shumicën e tyre të merren me prokurorët, gjyqtarët, kryetarët e bashkive, drejtorët e policive, ministrat, kryeministrin, OSBE-në, BE-në dhe OKB-në, por jo me të ardhmen e tyre. Kjo natyrisht është alarmuese, për një shoqeri që kërkon të thellojë emancipimin social, mendor, kultoror, por që në fakt ka mbetur “rob” i thashethemnajave të politikës. Askush nuk mund ta mohojë këtë realitet sot.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Edi Rama: 16/11/2023 12:43

    Merremi me berishen qe te fitojme zgjedhje ne 2025.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46