'Pse qeveria injoron UNESCO-n?!' Zhupa interpelancë me Gonxhen! Ministri: S’ka projekte biznesi në Butrint! Deputetja: Je avokat i ADF-së! Po planifikoni edhe shkatërrimin e Drilonit

Deputetja e Partisë Demokratike Ina Zhupa ka kërkuar interpelancë me Ministrin e MEK, Blendi Gonxhe mbi menaxhimin e parkut Arkeologjik Kombëtar të Butrintit dhe përse nuk ka reflektuar për kërkesat e UNESC-os.

Zhupa iu drejtua Gonxhes duke e pyetur se: “Pse qeveria injoron të gjitha rekomandimet e UNESCO? Çfarë interesi ka qeveria të rrezikohet pasuria e mbrojtur? Pse nuk i pyesni për asgjë ekspertet tanë? Merrni të huaj”

Nga ana tjetër Gonxhe u shpreh se kanë reflektuar vendimet në Komunitetin e Trashëgimisë Kulturore.

‘Përmendët dhe emra personash, por nuk më duket e udhës që të ndalemi këtu. Ishte për t’u përshëndetur që vendimi në Komunitetin e Trashëgimisë kulturore ishte unanim. Nuk di të kem qenë me një person të tillë në funksion në takim në Paris. Di t’ju them se zoti Lorenc Bejko është përfaqësues i ICOMOS në Shqipëri dhe ndaj ishte në takimin në UnescoFondacioni nuk ka lidhje me asnjë program biznesi.

Nuk kemi të bëjmë me PPP dhe koncesione. ADF nuk ka asnjë qëllim me fitimprurjen . ADF sot për ne do të thotë 55 milionë euro i ka dhënë për trashëgiminë kulturore. Ky fondacion nuk ka lidhje me asnjë ndërrmjarje që ka nga pas një biznes.’- u shpreh Gonxhe.

‘Po zëvendëson ADF me UNESCO-n .Unë ftova këtu ministrin për ta pyetur sesi do zbatojmë raportin e UNESCO-n, ti erdhe këtu fole për ADF. Nuk je anti-amerikan kur kërkon që të thuash atë që thotë UNESCO. ADF nuk paguan të ardhura dhe ka gjoba nga Delëeri. Butrintin do ta bëjmë si Davosi se këtë kanë thënë. Vendi ku duhet të ishin rojet e Butrintit, u bë kafe nga Kumbaro. BBF.al nuk hapet si faqe, shikoni ca serioziteti keni ju në lidhje me këtë çështje. Thatë që nuk e thotë raporti dhe e ka thënë fiks këtë. Parcelizimi i trashëgimisë botërore. Modifikimi I pasurisë në faqen 69. Mungesa e arsyeve për menaxhimin e pasurisë nga një autoritet i vetëm. Nevoja për një ekip të menaxhuar të natyrës. Një mekanizëm për bashkëpunimin dhe në faqen 27. Mund të gënjeni stafin tuaj se i kanë marrë dhe vegjël.'- tha Zhupa.

Zhupa theksoi dhe një lajm që ende ka qenë i paditur për publikun sipas saj, ku u shpreh se në Drilon do të ndërtohet një godinë, ku UNESCO ka kërkuar të hiqet.

‘Rithekson kërkesën për Shqipërinë dhe për të hequr zyrtarisht, mundësinë e zhvillimit urban. UNESCO kërkon që të hiqet parashikimi i një godine në majë të Drilonit.’- u shpreh Zhupa.

Kujtojmë se Agjencia e Kombeve të Bashkuara për trashëgiminë botërore, UNESCO thotë në një raport për Parkun më të njohur Kombëtar në Shqipëri, Butrintin, se vetëm themelimi i Fondacionit nuk mund të përmbushë rekomandimet për menaxhimim e integruar të Butrintit dhe u rekomandon autoriteteve shqiptare që Ministria e Kulturës të ruajë autoritetin tërësor të kësaj pasurie botërore dhe jo vetëm të një pjese të saj.

Rendit zhvillimet sipas orarit:

Të Fundit Të Parat

M.Q./Shqiptarja.com

TAG:
• Ina Zhupa
• Blendi Gonxhja
• Butrinti
• parku kombetar i butrintit