Frrok Çupi: Pse u zgjodh data 8 që mund të rrotullohet ngado?

Frrok Çupi: Pse u zgjodh data 8 që mund të rrotullohet ngado?

Ajo ditë nuk ka ekzistuar kurrë, tani duket se është shpikur. Mes 31 datave u zgjodh numri 8; mund të ishte 7, mund të ishte 11, 13 ose 17.

Për nga sensi i ëndërrimit, data e vullnetit kombëtar për t’u bashkuar me Europën, kishte qenë çdo ditë të jetës së njeriut në këtë vend; por nuk e lejuan.

Po data 8, çfarë është?

Numri 8, në fakt nuk ka qenë mes numrave fatalë. Ata që e zgjodhën nuk e treguan arsyen ‘pse?’, edhe pse mund të zgjidhej çdo datë tjetër për ta emërtuar si ‘ditë të revolucionit demokratik të rinisë’. Si ditë e fillimit të përleshjes me regjimin e diktaturës mund të ishte zgjedhur secila nga 365 ditët e vitit. Mund të ishte zgjedhur edhe data 2 korrik 1990, kur populli i Tiranës shembi muret e ambasadave të Europës dhe u drejtua andej. njësoj si dita e shembjes së Murit të Berlinit.

Por, çuditërisht, u zgjodh dita e tetë e dhjetorit. Tani kur kjo ditë duket se është thjesht një ‘totem’ dhe aspak një realitet, kthehemi e shikojmë fatalitetin e numrit 8.

Numrin 8 e paskan zgjedhur këta që sot quhen ‘dhunues të demokracisë’ dhe të jetës së njeriut…, sepse 8-a është i vetmi numër me ‘dy zero’. A mos vallë këta që sot po kërkohen nga Drejtësia dhe Vullneti i Popullit si të korruptuar të mëdhenj dhe minues të jetës së vendit, këta të jenë tallur që atëherë me vullnetin e popullit?!. Popullit që kërkonte Europën këta i vunë përpara totemin me dy zero:

“Ja, merreni, këtë do të keni përjetë – numrin zero dyfish!”, dhe duket se popullit i treguan gishtin e mesit.

Numrin 8 e paskan zgjedhur mes 31 numrave të muajit, sepse ky numër ka një magji djallëzore: Mund ta vendosësh më këmbë, por edhe mund ta kthesh me kokë poshtë… Njësoj del, prapë numri 8. Ku ta dinim ne se shpikësit e ‘magjisë djallëzore’ po na shfaqeshin ‘të hapur, të sinqertë dhe besnikë’. Na treguan të vërtetën se çfarë po na sillnin: Numrin që mund ta rrotulloje nga të duash, nëse do demokraci- kjo është; nëse do komunizëm- po ky numër është. Asgjë nuk ndryshoi në datën 8. Edhe Partia Komuniste e Shqipërisë ishte krijuar në datë 8.

Numrin 8 e zgjodhën sepse ky është numri i vetëm që edhe sikur ta shtrish përdhè, ai prapë 8 lexohet. Numri 8 ishte ‘Kali i Trojës’ që bëri sikur do të sillte demokraci e dinjitet, por solli Përbindëshin të ulur gjunjas si 8- a e shtrirë. Presidenti i parë demokratikas deklaroi se ‘do të jetoj si populli, në një apartament në Brrakë’. Gjunjas e gjunjas, bashkë me familjen, shkatërroi vendin dhe vodhi pasurinë kombëtare. Qeveria e tij si ‘demokratike’ hyri gjunjas si një organizatë kriminale në jetën e popullit. Tani të gjithë, që nga Amerika e Europa, po përpiqen ta nxjerrin nga jeta e popullit, por është e vështirë.

Numrin 8 e prunë siç bie ustai gurët e shtëpisë së re ku do të ndërtohet frëngjia me dy poste për të vrarë njerëz me armë. Në dritaret e 8 dhjetorit, Berisha me shokë e familje, vendosi armët ku vrau qindra; ndërsa në oborrin e kryeministrisë vrau 4 protestues. Në frëngjitë e datës 8, Berisha nxori grykat e 4 snajperëve për të vrarë liderin e opozitës dhe kush t’i dilte përpara. “Do t’u kisha vrarë të gjithëve!’, deklaroi ai në një çast.

Pse e zgjodhën këtë mes 31 numrave që nuk i ngjajnë numrit 8?

E zgjodhën pikërisht pse është 8. Teta mund të ndahet në dy pjesë e prapë dalin dy numra të njëjtë: Zero. Projekti i shtetit që doli nga data 8 dhe presidenti gjysmë komunist, gjysmë demokrat, ishte ndarja e vendit. Pas datës 8 dhjetor 1990, vendi do të futej në konflikt dhe luftë vrastare. Presidenti që doli nga frëngjitë e datës 8, urdhëroi që gjysma e popullit të Shqipërisë të vrasë gjysmën tjetër; Veriu kundër Jugut. U arrit kjo ‘fitore’ e Berishës, u vranë mbi 3 mijë dhe ra shteti. U desh që të vijnë ushtritë e Korbecë të Bashkuara për të mbrojtur shqiptarët që nuk ishin vrarë ende nga shqiptarët.

Numri 8 tani rri varur me kokë poshtë; ndoshta krijon vizion optik të një periudhe para 78 vjetësh.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A e forcon sigurinë dhe rolin e Shqipërisë baza e NATO-s në Kuçovë?



×

Lajmi i fundit

VIDEOLAJM/ Emocionuese, ushtria e Kosovës këndon njëzëri këngën ‘Mora fjalë’

VIDEOLAJM/ Emocionuese, ushtria e Kosovës këndon njëzëri këngën ‘Mora fjalë’