POP 5

Lajmet më të lexuara të 5 minutave të fundit

Kultura

Publicisti Frano Kulli vlerësohet çmimin 'At Zef Pllumi'

Publicisti Frano Kulli është vlerësuar me çmimin mbarëkombëtar “At Zef Pllumi. Kulli na rrëfen se gjatë tre dekadave në krijimtarinë e tij ka qenë i lirë, duke mos qenë pjesë e burokracive shtetërore.

Frano Kulli është vlerësuar me çmimin “At Zef Pllumi” në publicistikë e memuaristikë me librin “Kohë e përlyeme”. Teksa na rrëfen, se ky çmim është vlerësim i madh për vet emrin që mban, shton edhe se, duke mos qenë pjesë e burokracive shtetërore në këto tre dekada, ka qenë i lirë të shpreh mendimin e tij për çdo padrejtësi që ka vrejtur, veçanërisht në fushën e kulturës

“Ka qenë një vlerësim i madh, së pari sepse, emri At Zef Pllumi është i rëndësishëm në memuaristikë, por edhe sepse me këtë çmim janë vlerësuar emra të rëndësishëm në fushën e letrave shqipe”, thotë publicisti Frano Kulli.

Përmes katër kapitujve, si “Kokëderrat” e kënaqun dhe… “Sokrati” i vuejtun”,  “Fishta… dhe hijet përreth”, “Martirët dhe ndërgjegjja jonë e përlyeme” dhe  “Tymnajë, show dhe kohë e çmendur” autori ngre probleme, dukuri edhe fenomene, që shqetësojnë njerëzit e letrave

 “Unë e kam çmuar edhe çmoj si një nga shqetësimet kryesore, se kokëderrat janë pengesë e madhe për sokratët e paktë të letrave shqipe. Diferenca e kokëderrave në vendin tonë është shumë e madhe me burokracitë e vendeve përreth. Një komunë e Kosovës ka buxhet më të madh se Ministria e Kulturës në Shqipëri. Kjo tregon se burokracia shtetërore është shumë e dëmshme për kulturën. Sigurisht që edhe për një njeri që merret me publicistikë i përcjell këto mesazhe në opinionin publik. Unë personalisht kam qenë më i lirë, sepse s’kam pas punë me punët e  shtetit”, thotë Kulli.

Juria që përzgjodhi fituesit e edicionit të katërt të këtij çmimi përbëhej nga poeti Rudolf Marku, shkrimtarja Vera Bekteshi dhe gazetari Aleksader Çipa.  Për memuaristikë u vlerësua edhe shkrimtari Bashkim Shehu me "Liri Belishova dhe koha e saj". Me çmim të dytë u vlerësua Marçel Hila me “Djaj dhe ëngjej të masakruar ”- çmimi i II-të.  

Ndërsa, u akorduan, gjithashtu edhe 2 çmime nderi : At Aleks Baqli (pas vdekjes) - Kujtime  dhe Zef Përgega - Arkëmorti i përgjakur .Në këtë konkurs, ndër vite janë nderuar me këtë çmim: Ismail Kadare, Mustafa Nano, Preç Zogaj, Mons. Gjergj Meta, Besnik Mustafaj, Alfred Lela, Belina Budini,Vera Bekteshi, Sabri Hamiti...

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46