Publikimi i bisedës seksiste për të miturën e zhdukur, policia pezullon për 30 ditë shefin e Krimeve në Tiranë: Po kryejmë hetimet e plota për rastin

Pas publikimit të bisedës seksiste për të miturën e zhdukur, policia pezullon për 30 ditë shefin e Komisariatit.

"Në lidhje me një postim në rrjetet sociale, në të cilin pasqyrohet komunikimi joetik në një grup komunikimi në platformën ËhatsApp, midis disa punonjësve të Policisë të Komisariatit të Policisë Nr. 1, Tiranë, ju bëjmë me dije se:

LEXO EDHE:
Fabrizio Bosso sjell në Tiranë koncertin 'We Wonder', homazh për muzikantin Stevie Wonder

Menjëherë pas marrjes dijeni, Drejtoria e Standardeve Profesionale në Drejtorinë e  Përgjithshme të Policisë së Shtetit ka pezulluar nga detyra, për një periudhë 30-ditore, Shefin për Krimet në Komisariatin e Policisë Nr. 1, në DVP Tiranë, Komisar R. D., për shkelje të rëndë disiplinore, të parashikuar nga neni 204 i rregullores së Policisë së Shtetit.

Gjithashtu, Drejtoria e Standardeve Profesionale në Policinë e Shtetit, nën drejtimin e AMP-së, vijon punën për kryerjen e një hetimi të plotë administrativ për këtë rast.

Policia e Shtetit është e vendosur për të ndëshkuar cilindo punonjës policie që cenon imazhin e Policisë dhe besimin e qytetarëve te Policia e Shtetit", njofton policia.

Lajmi kryesor:

‘Ka humbur një vajzë! Policja: Çfarë vit prodhimi është?’ Komente seksiste për vajzat e mitura nëpër grupe! Pezullohet për 30 ditë shefi i Krimeve në Tiranë

TAG:
• Tirane
• policia e tiranes
• seksizem