Këshilli i Ministrave ka publikuar tarifat e reja për shërbimet ndaj pronarëve nga ana e Agjencisë së Trajtimit të Pronave.

Tarifa për paraqitjen e kërkesës dhe hapjen e dosjes së re të njohjes dhe kompensimit bëhet 3 mijë lekë, ndërsa kërkesa për kompensim bëhet 2 mijë lekë.

Kërkesa për kompensim në vlerë për pasuritë e paluajtshme, pronë private, që preken nga ndërtime informale do ketë tarifën 2 mijë lekë, dhe kërkesa për tjetërsimin e sipërfaqes oborr në përdorim do kushtojë 3 mijë lekë.

Kërkesë për lëshim kopjeje dokumentacioni të administruar nga Agjencia e Trajtimit të Pronave, deri në 100 fletë do kushtojë 20 lekë/fleta.

Në rastet kur dokumentacioni është mbi 100 fletë kostoja do të jetë 3 mijë lekë.

Çmimet e reja kanë hyrë tashmë në fuqi dhe janë publikuar në Fletoren Zyrtare. 

Tarifat e reja të miratuara nga Qeveria:
--Paraqitja e kërkesës për hapjen e dosjes - 3 mijë lekë

-- Kërkesa për kompensim - 2 mijë lekë

-- Kërkesa për kompensim (për pronat që preken nga ndërtimet informale) - 2 mijë lekë.

-- Kërkesa për tjetërsimin e sipërfaqes oborr në përdorim - 3 mijë lekë.

-- Kërkesë për lëshim kopjeje dokumentacioni të administruar nga ATP - 100 fletë, 20 lekë/fleta

-- Në rastet kur dokumentacioni është mbi 100 fletë kostoja do të jetë 3 mijë lekë