POP 5

Lajmet më të lexuara të 5 minutave të fundit

Sport

Publikohen të tjera përgjime, presidenti i Realit fyen Ronaldon dhe Mourinho-n: Ato djem nuk janë normal

Pasi i quajti të dështuar Raulin dhe Kasijasin të tjera përgjime janë publikuar për presidentin e Realit të Madridit Fiorentino Perez. Së fundmi ai dëgjohet teksa i cilëson si njerëz jo normal Ronaldon dhe Mourinhon, ndërsa në një reagim presidenti i Realit shprehet se kjo situatë është një shpifje që bëhet për ta dëmtuar.

Gazeta spanjolle 'El Confidencial' ka publikuar sot të tjera përgjime në lidhje me presidentin e Real Madrid Fiorentino Perez. Ky i fundit akuzohet se ka punuar kundër yjeve që kanë qenë në skuadrën ‘galaktike’ dhe madje disa prej tyre i fyee rëndë.

Pas cilësimit si blerje të dështuara të Raulit dhe Iker Casillias në përgjimet e vitit 2006, së fundmi në audiot e publikuara numri 1 i Realit i quan Mourinho-n dhe Ronaldon si njerëz anormal.

Për Ronaldon Fiorentino Perez thotë: “Është budalla, idiot, një njeri i sëmurë. Dikush mendon se ky djalë është normal, por nuk është, përndryshe nuk do të bënte këto gjëra që bën.”

Në përgjimet e publikuara për Mourinho-n Fiorentino Perez përmend edhe emrin e agjentit portugez Jorge Mendes: “Ai nuk ka ndikim as mbi Ronaldon dhe as mbi Mourinhon. Këta të dy janë djem me ego të tmerrshme, të dy jo normal, trajneri dhe Ronaldo. Ata nuk e shohin realitetin sepse ne po flasim për shumë para në fushën e te drejtave të imazhit.”

Vetë Perez me anë të një deklarate në faqen e klubit të Real Madrid thotë se këto janë fjalë të shkëputura nga konteksti, të cilat publikohen me qëllimin për ta dëmtuar atë si kryesori i krijimit të Superligës Europiane. Ai shton se avokatët e tij do të hedhin në gjyq gazetën, por edhe gazetarin që i disponon këto përgjime.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Pogradec, peshkatari kap në ujrat e liqenit të Ohrit peshkun Koran më shumë se 13 kg

Pogradec, peshkatari kap në ujrat e liqenit të Ohrit peshkun Koran më shumë se 13 kg

19 Prill, 14:04