Publikohet për herë të parë karta e tatimpaguesit, një dokument që shpjegon në mënyrë të përmbledhur të drejtat dhe detyrimet e tatimpaguesve.

Qëllimi i kartës së tatimpaguesit është ndërtimi i urës lidhëse midis administratës tatimore dhe tatimpaguesve që ata u shërbejnë nëpërmjet besimit të ndërsjelltë dhe respektit.

Në kartë shpjegohen të drejtat dhe detyrimet e tatimpaguesve, me qëllim promovimin e marrëdhënieve më të forta midis tatimpaguesve dhe administratës tatimore si dhe të frymës së pagesës në mënyrë vullnetarë të tatimeve, brenda afateve ligjore.

Karta i adresohet çdo tatimpaguesi, por edhe çdo zyrtari tatimor, me qëllim njohjen, respektimin dhe zbatimin e të drejtave dhe detyrimeve të ndërsjellta.

Publikimi i kartës së tatimpaguesit ndihmon në krijimin e një klime më të mirë të qytetarisë dhe edukatës fiskale në vend

ATSH