POP 5

Lajmet më të lexuara të 5 minutave të fundit

Sociale

Publikohet kopertina e abetares së unifikuar, në Kosovë nis shpërndarja në shkolla! Më 1 shtator mbahet ceremoni përurimi në Prishtinë

Sezoni i ri shkollor do t’i gjejë këtë vit shkollat në Shqipëri dhe Kosovë me abetare të unifikuar. Media kosovare RTK ka publikuar për herë të parë kopertinën e abetares që do të shpërndahet këtë vit në të gjitha shkollat e vendit tonë dhe në Kosovë.

Publikohet kopertina e abetares së unifikuar, në Kosovë nis shpërndarja në shkolla! Më 1 shtator mbahet ceremoni përurimi në Prishtinë

Kopertina e abetares së unifikuar

TIRANË- Sezoni i ri shkollor do t’i gjejë këtë vit shkollat në Shqipëri dhe Kosovë me abetare të unifikuar. Media kosovare RTK ka publikuar për herë të parë kopertinën e abetares që do të shpërndahet këtë vit në të gjitha shkollat e vendit tonë dhe në Kosovë.

Abetarja e publikuar nga shtëpia botuese ‘Dukagjini’ është tashmë gati, ajo është shtypur dhe pritet që të jetë në duart e vogëlushëve që do të nisin këtë vit klasën e parë. Shtëpia botuese bën me dije për RTK se në shkollat e Kosovës ka nisur shpërndarja e abetares në disa zona rurale, ndërsa pritet shpërndarja edhe në shkollat e qyteteve gjatë kësaj fundjave.

Gazetarja e Report Tv, Enxhi Musaj ka mësuar se më datë 1 shtator në Kosovë do të mbahet një ceremoni në Kosovë për të bërë publikimin e abetares së re. E pranishme do të jetë edhe ministrja e Arsimit, Evis Kushi me homologen e saj Arbërie Nagavci për të prezantuar në ditën e parë të shkollës këtë abetare.

Shpërndarja e abetares në Kosovë ka nisur më herët për shkak se sezoni shkollor fillon, më datë 1 shtator, ndryshe nga vendi ynë që sezonin shkollor nis më 12 shtator. Zëvendësministri i Arsimit në Kosovë, Dukagjin Pupovci ka thënë se është punuar më shpejt për abetaren në mënyrë që të ishte gati për nxënësit në Kosovë.

“Ne kemi pasur kujdes, sepse kalendari i fillimit të vitit shkollor nuk është i njëjtë në Kosovë dhe Shqipëri dhe kemi kërkuar që puna të përfundojë me herët, në mënyrë që Abetarja të jetë e gatshme për 1 shtator, kur edhe zyrtarisht fillon mësimi në Kosovë”, tha Pupovci për Radio Kosova.

Abetarja e unifikuar vjen si zbatim i marrëveshjes së nënshkruar mes qeverive të dy vendeve.

 

Kopertina e abetares së unifikuar

 

 

 

Pjesë nga libri i abetares 

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shpresa: 27/08/2022 19:56

    Lajm i mrekullueshem, bravo zonja ministre. Me ne fund e bere realitet enderren e shqiptareve.

    Përgjigju
  • Trumpist: 27/08/2022 13:31

    Nje lajm i madh per femijet dhe familjet shqiptare kudo.

    Përgjigju
  • Shqipria e madhe: 27/08/2022 10:29

    Lajm shume i bukur !!

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Hetimi pasuror, kryebashkiaku i Tiranës, Erion Veliaj paraqitet në SPAK

Hetimi pasuror, kryebashkiaku i Tiranës, Erion Veliaj paraqitet në SPAK

26 Dhjetor, 09:19