Receta

Pufka me tre përbërës me sherbet

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 23 Janar 2023, 13:30 | Përditesimi: 23 Janar 2023, 13:32

Pufka me tre përbërës me sherbet

Përbërësit:

3 kokrra vezë
2 lç pluhur pjekës
4-5 fk qumësht pluhur

Për sherbetin;

LEXO EDHE:
Pulë me oriz në furrë nga zonja Albana

1 gotë sheqer
1 gotë e gjysëm ujë
6 karafil
1 limon (lëngu)

Përgatitja:

Fillimisht përgatisim sherbetin duke vendosur në zjarr ujin me sheqer dhe gozhdë karafili. Pasi sherbeti ka marrë valë shtojmë lëngun e limonit.

Rrahim vezët e temperaturës së ambjentit me tel rrahës. Sapo vezët të fillojmë të shkumëzojnë shtojmë qumështin pluhur. Kur masa fillon të bëhet ngjitëse shtojmë pluhurin pjekës. Këtë masë e vendosim lugë-lugë në një tepsi ku kemi shtruar letër pjekje. I vendosim pufkat të piqen në furrë të parangrohur në temperaturën 180 gradë Celsius për 15 minuta. Jufkat i vendosim të nxehta në sherbet duke i lenë të qëndrojnë 2-3 minuta.