Puna në Komisionin Hetimor të Inceneratorëve, Tabaku: U përballëm me forcën e kartonëve! Do e vijojmë denoncimin në media

 

Nënkryetarja e Partisë Demokratike, njëherëzi kryetare e Komisionit Hetimor për Inceneratortët, Jorida Tabaku, ka akuzuar mazhorancën për pengimin sipas saj të punës së komisionit pasi nuk do që të zbardhet e vërteta.

Tabaku tha se do të vijojnë ta bëjnë denoncimin në media, teksa kërkoi që të bëhen ndryshime në legjislacion për mënyrën se si funksionojë komisionet hetimore.

"PS i dha votë kundër, ne do të përpiqemi ta bëjmë denoncimin përmes mediave. Është fatkeqësi shumë e madhe që komisionet hetimore kanë këtë fat në Shqipëri. Në këtë legjislaturë është komisioni i dytë që përballet me forcën e kartonëve. Unë mendoj që duhet ndryshuar ligji për komionet hetimore që opozita të ketë mundësi të vërtetë kontrolli në Parlament", tha ajo.

Sipas saj vijojnë të bëhen pagesat pagesat për inceneratorin e Fierit edhe pse më parë Qeveria ka hasur në kundërshti të avokatit të shtetit, të KLSH, që i kanë këshilluar që nuk duhen përdorur gjykata e arbitrazhit, por gjykatat këtu.

"Qeveria shqiptare i përdor këto vendime të arbitrazhit si jkustifikim pë rtë bërë pagesat. Inceneratori i Fierit nuk duhej ngritur.  Pse nuk janë nën hetim ministra, kryetari i Këshillit të Qarkut Fierti. Unë kam pamje filmike brenda inceneratorit të Tiranës, nuk ka asnjë proces incenerimi. Aty është thjesht një landfill i lyer me bojë. 300 mln euro janë një kosto e jashtëzakonshme", tha ndër të tjera Tabaku.


Lajmi kryesor:

Komisioni hetimor i inceneratorëve/ Felaj: Në 3 muaj opozita kërkoi vetëm 3 mbledhje, tani kërkon kohë për propagandë! Tabaku: Mazhoranca, dhunë kartonësh! Vijojmë denoncimet


K.T./r.k./Shqiptarja.com
  • Sondazhi i ditës:

    A duhet të miratohet ligji për amnistinë fiskale deri në 2 milionë euro?



×

Lajmi i fundit

John

Përleshje e dy grupeve shqiptare në aeroportin e Perugias në Itali! 8 persona të arrestuar, momenti kur qëllohen me grushta e shkelma (VIDEO)