Punët e së ardhmes, ja aftësitë
që kërkon tregu i punës 2020

A jemi të përgatitur  për ti bërë ballë tregut të punës 2020? Me kalimin e viteve dhe zhvillimeve të gjithanshme të shoqërisë, edhe aftësitë e kërkuara në tregun e punës ndryshojnë vazhdimisht. Aftësitë që zotërojmë zot, me shumë gjasë nuk do të na bëjnë punë për tregun e punës pas 10 viteve. Ndaj ne duhet të perfeksionohemi e të përqafojmë zhvillimet e reja në teknologji, ekonomi dhe fusha të tjera.
 
Raporti “The Future of Jobs”, i publikuar nga World Economic Forum, në fillim të këtij viti, informon mbi aftësitë më të kërkuara në tregun e punës në 2020. Vetëm pas 4-5 viteve,  më shumë se 1/3 e aftësive që konsiderohen të rëndësishme në tregun e punës sot do të kenë ndryshuar.
 
Zhvillimi ekonomik së bashku me atë teknologjik ka transformuar mënyrën se si jetojmë  dhe mënyrën se si punojmë. Shumë pozicione pune do të zhduken në vitet në vijim, duke i lënë vendin  disa profileve të reja pune që do të krijohen në të ardhmen.  Ajo çfarë është e rëndësishme  sipas raportit “The Future of Jobs” është të ndiqet ky ritëm edhe në përfitimin e aftësive përgjatë këtij zhvillimi dinamik.
 
Të renditura nga vendi i parë në vendin e dhjetë “The Future of Jobs, World Economic Forum, January 2016” bën listimin e dhjetë aftësive që i duheshin tregut të punës në 2015-ën dhe  paralelisht me të ka publikuar 10 aftësitë që do i duhen tregut të punës në 2020-ën. Listën e kryesojnë ndër të tjera kreativiteti, aftësia për të ndërvepruar me të tretë dhe inteligjenca emocionale.
 
Për këtë të fundit (inteligjencën emocionale) jepet edhe argumentimi i një psikologu, i cili shpjegon se si i shërben tregut të punës kjo aftësi.  Sipas psikologut dhe autorit Daniel Goleman, persona të cilët drejtojnë ekipe dhe biznese dallohen nga niveli i lartë i inteligjencës emocionale. Goleman argumenton se aftësitë teknike kanë rëndësi, por… nuk mjaftojnë në pozicione ekzekutive.

Bashkangjitur sjellim edhe listën  e dhjetë aftësive që na nevojiteshin në 2015 dhe 10 aftësive që do të na nevojiten për tregun e punës në  2020.






 

Redaksia Online
(F.T/shqiptarja.com)