POP 5

Lajmet më të lexuara të 5 minutave të fundit

Kronikë

Punëtori vdes në kantierin e ndërtimit në Durrës, në kartelin e vdekjes i shënohet aksident! Të afërmit e 51-vjeçarit: Nuk kishte kushte sigurie në punë

Punëtori i ndërtimit Genci Spaho vdiq në kantierin e rindërtimit në Manëz, ndërsa ngjarja është e veshur me mister. Familjarët akuzojnë se po manipulohet shkaku në tentativë për të fajësuar viktimën dhe jo kompaninë "Edicom" në pronësi të Luigj Aleksit. Për Report Tv ka folur në kushtet e anonimatit i afërmi i të ndjerit, i cili thotë se në kartelën e vdekjes nuk cilësohet “aksident në punë”. 

DURRËS- Mungesa e kushteve teknike në punë, i ka marrë jetën një tjetër punëtori në vendin tonë. Genci Spaho, 51-vjeç, babai i dy vajzave, ishte duke punuar në një kantier ndërtimi në zonën e Spitallës në Durrës, ku po ndërtohen shtëpi të banorëve të prekur nga tërmeti i 26 nëntorit. 51-vjeçari fillimisht u dërgua për mjekim në spitalin e Durrësit, por më pas u dërgua në spitalin e Traumës, ku edhe ndërroi jetën mbrëmjen e së shtunës.

Në kartelin e vdekjes së punëtorit, është shënuar sikur 51-vjeçari ka humbur jetën si pasojë e një aksidenti, por familjarët pretendojnë se ka vdekur teksa po punonte si pasojë e mungesës së kushteve teknike.

Për të mësuar më shumë në lidhje me ngjarjen, gazetari i Report Tv, Aldo Mustafa, intervistoi një familjar të të ndjerit sipas të cilit fillimisht i është thënë se i ndjeri ka rënë nga skelat, por në fakt nga verifikimet që Report Tv kreu në kantier, nuk u konstatuan skela dhe asnjë objekt tjetër sigurie në këtë kantier.

‘Ishte daja ime ishte 52-vjeç. Ka lënë dy vajza në moshë të vogël. I ndjeri punonte në ndërtim. Kishte shumë vite që punon në ndërtim aktualisht në këtë kantier ku ka ndodhur tragjedia ka rreth 3 javë. Nuk besoj se kishte kushte pune. Nuk është se kam pasur ndonjë siguri apo ndonjë kusht. Kur ka ndodh aksidenti më ka marrë në telefon një koleg i tij dhe na ka thënë ka rënë nga skela. Ato thanë ka rënë nga skela, ky ishte versioni i parë, por nga informacionet që kam unë nuk ka pasur skela. Më njoftuan se ishte në spitalin e Durrësit, pastaj është dërguar në spitalin e Traumës në Tiranë. Aty ka qenë gjatë gjithë kohës në sallë. Doktori na tha se ishte në gjendje të rëndë. Përpjekja e mjekëve ka qenë maksimale, deri në fund dhe ka ndërruar jetë pasdite. Që nga dje, nuk kemi pasur asnjë lloj komunikate as nga policia dhe as nga firma kontraktore.’- u shpreh i afërmi i tij.

Për këtë ngjarje Drejtoria Vendore e Policisë së qytetit të Durrësit, ka arrestuar shtetasit Leonart Pule, Enea Xoxi dhe Rauf Kaci për veprën penale “Shkelja e rregullave të mbrojtjes në punë”.

Kartela mjekore 

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fshati: 09/05/2022 15:12

    Ngushellime familjes. Duhet te kete nje ndergjegje kolective per te permiresuar kushtet dhe sigurine ne pune. Por familja duhet te kerkoje demshperblim nga kompania e sigurimit. Kompania e sigurimit mund te kthehet kunder pergjegjesit te aksidentit. Nje familje nuk asnje mundesi ligjore te ndeshkoje apo ta detyroje kompanine ndertuese te paguaj demshperblim

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Sot Amerika vendos/ Nisin votimet! Garë e ngushtë presidenciale, por Harris është 4 pikë në avantazh! Qendrat e votimit me xhama antiplumb e dyer çeliku

Sot Amerika vendos/ Nisin votimet! Garë e ngushtë presidenciale, por Harris është 4 pikë në avantazh! Qendrat e votimit me xhama antiplumb e dyer çeliku

5 Nëntor, 07:21