Një shpërthim i kontrolluar do të ndodhë të premten në zonën e Llogarasë. Rreth orës 11:00-11:30 do të përdoret një sasi e vogël eksplozivi për të hapur trasenë e rrugëve lidhëse që po ndërtohen atje.

Lajmin e bëri të ditur Autoriteti Rrugor Shqiptar që njofton se punimet po bëhen pa bllokuar qarkullimin dhe trafiku nuk pritet të ndërpritet. Në terren do të jenë edhe forcat e Policisë për të garantuar sigurinë gjatë momentit të shpërthimit.

Projekti përfshin zgjerimin e aksit ekzistues, si edhe ndërtimin e një segmenti të ri rreth 600 metra. Ndërkohë, rruga aktuale po rehabilitohet në një gjatësi prej rreth 1 kilometër, nga dalja e tunelit në anën e Palasës deri te kryqëzimi me rrugën e re Palasë–Dhërmi.

Punimet pritet të mbyllen në fund të qershorit, ndërsa sipas kontratës afati përfundimtar është mesi i gushtit. Pas shpërthimeve do të vijojnë ndërhyrjet për mbrojtjen e skarpatave dhe vendosjen e sinjalistikës rrugore.

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 14:59

    Rama firmos ndryshimin ligjor që ndalon GJKKO të pezullojë ministrat, jeni dakord?

Lajme të tjera