POP 5

Lajmet më të lexuara të 5 minutave të fundit

Pika e zezë

Punimet tek Mbretëresha Geraldinë, dhe diferenca për opozitën mes Gentian Sulës dhe Gjergji Lucës

“Agi Kons” qëndron në listën e gjelbër të ''oligarkëve'' të hartuar nga opozita, dhe që parashikon imunitet total për ata biznesmenë që kontribuojnë konkretisht në financat e klanit Berisha, në të cilin bën pjesë dhe Lulzim Basha përmes kunatit të tij Erion Isufi. Ndërsa ata që nuk paguajnë, linçohen publikisht dhe madje sulmohen fizikisht, siç ndodhi ditët e fundit me biznesmenin nga Elbasani Gjergji Luca.

Punimet tek Mbretëresha Geraldinë, dhe diferenca për opozitën mes Gentian Sulës dhe Gjergji Lucës

Rindërtimi i maternitetit Mbretëresha Geraldinë ndan opozitën shqiptare. Sipas një ankese publike nga Albana Vokshi e Partisë Demokratike, ky projekt përbën një skandal sepse spitali i vjetër është shpallur monument kulture prej vitesh dhe prishja e tij përbën një krim kulturor të ngjashëm me prishjen e Teatrit Kombëtar. Më pas Vokshi akuzoi firmën që fitoi garën si të favorizuar nga Erion Veliaj dhe Edi Rama, gjithashtu në dhjetra tenderë të tjerë.

Firma është “Agi Kons” e Gentian Sulës, i cili, në të vërtetë ka regjistruar një rritje të dukshme të xhiros së saj në vitet e fundit. Midis 2019 dhe 2021, “AGI Kons” fitoi tenderë publikë për 2 miliardë e 300 milion lekë të reja, të barabarta me rreth 19 milion euro, por familja Berisha kurrë nuk është dëgjuar të reagojë për të drejtpërdrejtë nga 2018 e këtej.

Menjëherë Ministria e Shëndetësisë, e cila ia besoi punën ”Agi Kons” për një vlerë prej 466 milionë lekë të reja (+ tvsh), shpërndau një lajm për të shpjeguar se në realitet pjesa historike e spitalit nuk do të prishet por vetëm do të rinovohet, ndërsa e dyta, krahu i ndërtesës që nuk do të ishte një monument historik dhe që u dëmtua nga tërmeti i nëntorit do të shkatërrohet dhe do të rindërtohet plotësisht.

Por, përse lajmi ndau opozitën? Sepse në qendër të akuzave është Gentian Sula i cili është një nga ata "oligarkë" që arrin të lundrojë në mënyrë perfekte midis mazhorancës dhe opozitës. Televizioni i familjes Berisha në fakt është strehuar për rreth dy vjet brenda ambienteve të Gentian Sulës, i cili kërkoi një qira shumë më të ulët se vlera e tregut. Në këmbim të këtij favorizimi, televizioni i Berishës nuk shqetëson biznesin e tij dhe madje, Partia Demokratike shmang shqetësimin e tij. Dhe në fakt, denoncimi i Albana Vokshit (mbeti anonime, pasi ajo nuk guxonte të shqiptonte emrin e kompanisë apo të pronarit të saj) ishte fshehur totalisht nga ky televizion i cili, edhe në portalin e tij në internet, nuk ka ngritur asnjëherë ndonjë akuzë kundër dhjetra tendererave publikë të fituar nga Gentian Sula.

“Agi Kons” qëndron kështu në listën e gjelbër të ''oligarkëve'' të hartuar nga opozita, dhe që parashikon imunitet total për ata biznesmenë që kontribuojnë konkretisht në financat e klanit Berisha, në të cilin bën pjesë dhe Lulzim Basha përmes kunatit të tij Erion Isufi. Ndërsa ata që nuk paguajnë, linçohen publikisht dhe madje sulmohen fizikisht, siç ndodhi ditët e fundit me biznesmenin nga Elbasani Gjergj Luca.

xy//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lana: 21/03/2021 20:41

    Gentian Sula ka strehuar shume nga lakejt e opozites

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Rusia dënon me mbi 4 vjet burg ish punonjësin e konsullatës amerikane

Rusia dënon me mbi 4 vjet burg ish punonjësin e konsullatës amerikane

2 Nëntor, 20:55