Një fabrikë fasonerie në Lezhe me 300 punonjës ka protestuar sot për problemet e vazhdueshme me energjinë elektrike të cilat i kanë shkaktuar dëme në makineri dhe ulje të prodhimit.
"Problemet me energjinë elektirke na kanë shkaktuar dëme në makineri dhe ulje të prodhimit", kanë thënë ata.
Prej kohësh është kërkuar prej firmës që të gjendet zgjidhje nga OSHEE dhe ti jepet fund mungesës së energjisë për një fabrikë që nuk mund të prodhojë pa energji, ndërsa punonjësit kanë paga më të ulëta sepse nuk mund të arrijnë normën. Si pasojë e këtij problemi, firma ka pësuar edhe djegie të makinerive.
![](https://shqiptarja.com/template/img/NO_ALFA_Kuadrate shqiptarja.png)
I kontaktuar nëpërmjet telefonit për këtë çështje drejtori i Njesisë së OSHEE në Lezhë Emirjan Lazri bën të ditur se linja ku merrte energji elektrike kjo fabrikë deri pak muaj më parë eshtë e hidrovorit të Ishull-Shëngjinit dhe se nuk mund të lejohej diçka e tillë, pasi krijonte probleme në rrjet. Ai thotë se i është mundësuar furnizimi me energji në linjen ku merr e gjithë zona, por gjatë ditës së enjte ka patur një defekt në atë zonë dhe po punohet për riparimin e tij dhe rikthimin e energjisë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)