Pure me mish viçi dhe salcë domate nga zonja Albana

Pure me mish viçi dhe salcë domate

Përbërësit:

500 gr mish viçi

2 qepë të thata

4 lgj vaj ulliri

1 lgj miell

1 gjethe dafine

3 thelpinj hudhër

½ fç verë të kuqe

1 lgj salcë domate

1 tufë majdanoz

Kripë, piper i zi, piper i kuq

 

Për purenë:

5 patate

3 lgj gjalpë

1 gotë qumësht

½ tufë kopër

Djathë kaçkavall

Kripë, piper

Përgatitja:

Fillimisht presim mishin në kubikë dhe më pas e kaurdisim së bashku me qepët e grira imët. Pasi mishi të ketë ndryshuar ngjyrë e shuajmë me verë të kuqe. Sapo të avullojë alkooli shtojmë hudhrën të prerë në feta, salcën e domates dhe një gjethe dafine. Rregullojmë shijen me kripë dhe piper.

Në një enë tresim miellin në pak ujë dhe e shtojmë tek mishi. Shtojmë majdanoz dhe erëza sipas dëshirës dhe e servirim spërkatur me piper të freskët të bluar shoqëruar me purenë e patates.

Ndërkohë që gatuhet mishi vendosim patatet të ziejnë. I shtypim me pirun i vendosim në një tenxhere me qumësht të ngrohtë dhe gjalpë të shkrirë. E punojmë purenë dhe në fund shtojmë pak djathë të grirë dhe kopër.

MC/Shqiptarja.com

TAG:
• pure
• recete
• zonjaalbana