POP 5

Lajmet më të lexuara të 5 minutave të fundit

Bota

Pushime të reja masive në kompaninë Meta! Zuckerberg do shkurtojë 10 mijë vende pune

Një raund i ri pushimesh nga puna në Meta është njoftuar sot nga Mark Zuckerberg. Gjigandi i teknologjisë do të shkurtojë 10,000 vende pune, afërsisht 13% të fuqisë së tij punëtore.

Pushime të reja masive në kompaninë Meta! Zuckerberg do shkurtojë 10 mijë vende pune

Mark Zuckerberg

Një raund i ri pushimesh nga puna në Meta është njoftuar sot nga Mark Zuckerberg. Gjigandi i teknologjisë do të shkurtojë 10,000 vende pune, afërsisht 13% të fuqisë së tij punëtore.

“Është e vështirë, por nuk ka rrugëdalje”, shpjegoi Zuckerberg në njoftimin e tij të gjatë.

Nga njëra anë ai vlerësoi punonjësit e talentuar të kompanisë, por nga ana tjetër shpjegoi planet e reja.

"Gjatë dy muajve të ardhshëm, udhëheqja e organizatës do të shpallë plane ristrukturimi të fokusuara në thjeshtimin e strukturës së menaxhimit të organizatës sonë, anulimin e projekteve me prioritet më të ulët dhe uljen e normave të punësimit," tha Zuckerberg në një deklaratë.

Nisur nga këto, totali i stafit do të reduktohet më tej me 10 mijë persona, ndërsa 5 mijë vende të tjera vakante do të “mbyllen”, pasi nuk do të plotësohen.

Në mesazhin e tij, Zuckerberg argumentoi se viti 2023 do të jetë "viti i efikasitetit" dhe se kompania synon të thjeshtojë organizimin e saj duke eliminuar shtresa të shumta të menaxhimit.

Raundi i ri i pushimeve nga puna pason një raund të mëparshëm pushimesh nga puna të shpallur në nëntor që preku më shumë se 11,000 punëtorë.Kompania, e cila zotëron gjithashtu Instagram dhe WhatsApp, pa një ngadalësim në të ardhurat e saj nga reklamat, duke e çuar atë të raportojë një rënie të shitjeve vjetore për herë të parë në 2022.

Numri i punonjësve të gjigantit të mediave sociale u rrit me 30% në vitin 2020, vitin e parë të pandemisë, dhe më pas me 23% në 2021. Në kohën kur Meta filloi shkurtimin e vendeve të punës nëntorin e kaluar, kompania kishte më shumë se 87,000 punonjës.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

26 Janar, 08:14 nga Blerina Goce