POP 5

Lajmet më të lexuara të 5 minutave të fundit

Ekonomi

Pushteti vendor kapërcen pasoja negative të COVID, Bashkitë mbledhin 35.8 mln euro më shumë se në 2020

Bashkitë kapërcejnë pasojat negative të pandemisë duke tejkaluar shifrat e para-krizës. Sipas ministrisë së Financave deri në fund të shtatorit pushteti vendor mblodhi rreth 35 milionë euro më shumë se në 2020.

Lehtësimi i masave kufizuese anti-COVID, si dhe shfrytëzimi me kapacitet të plotë i sezonit veror ka ndihmuar pushtetin vendor që të arrij shifra rekord në realizimin e të ardhurave.Sipas të dhënave të Ministrisë së Financave të ardhurat e bashkive në 9 mujor janë më të lartat që nga viti 2010.

Konkretisht deri në fund të shtatorit pushteti vendor mblodhi 173,9 milionë euro ose rreth 35.8 milionë euro më shumë se në të njëjtën periudhë të vitit të kaluar. Po ashtu rritje ka edhe krahasuar me vitin 2019, kur u mblodhën 156.6 milionë euro në total në 9 muaj.

Kontributin më të madh pozitiv në rritjen e të ardhurave sipas Ministrisë së Financave e ka dhënë taksa e infrastrukturës, që mblidhet nga lejet e ndërtimit apo projektet infrastrukturore, dhe ndikim këtu ka dhënë rindërtimi. Po ashtu ndikim kanë dhënë taksa mbi pasurinë, taksa mbi ndërtesën si dhe tarifat e tjera lokale që mbledh pushteti vendor.

Nga ana tjetër shpenzimet e bashkive janë ulur këtë vit, dhe kanë kapur nivelin e 2017. Edhe pse po hidhen shumë para për procesin e rindërtimit, dhe po kryhen shumë investime të shtrira në disa bashki, shpenzimet në 9-mujor ishin 301,4 milionë euro, nga 339,9 mln euro që ishin në vitin e kaluar.

 

TË ARDHURAT E PUSHTETIT VENDOR

Janar-Shtator 2019                156,6 mln euro

Janar-Shtator 2020                   138 mln euro

Janar-Shtator 2021              173,9 mln euro

 

SHPENZIMET E PUSHTETIT VENDOR

Janar-Shtator 2019                 349,9 mln euro

Janar-Shtator 2020                 339,9 mln euro

Janar-Shtator 2021                 301,4 mln euro

K.T./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Ylli Pata: Legjendat elektoralo-amerikane të Sali Berishës

Ylli Pata: Legjendat elektoralo-amerikane të Sali Berishës

25 Dhjetor, 20:00 nga Ylli Pata