POP 5

Lajmet më të lexuara të 5 minutave të fundit

Ekonomi

Pushteti vendor rrit borxhet me 2.4 mld lekë! Financat 'harrojnë' vendosjen e administratorit

Në 6-muajit e parë të vitit pushteti vendor ka rritur detyrimet e prapambetura me 2.4 miliardë lekë. Për të ulur detyrimet Ministria e Financave nëpërmjet një udhëzimi në shtator të vitit 2019 paralajmëronte vendosjen e një administratori për menaxhimin e situatave. Ky udhëzim një vit më pas është harruar.

TIRANË- Në një kohë që disa bashki janë futur në miliarda lekë borxh, ajo e Patosit është me korrekte, me 0 detyrime të papaguara.

Debitorët më të mëdhenj janë bashkia e Tiranës me 1.9 miliardë lekë detyrime, e ndjekur nga e Kavajës me 846,4 milionë lekë, bashkia Vorë me 711,6 milionë lekë, Pogradeci me 404,5 milionë lekë dhe Kamzës me 379,1 milionë lekë detyrime të papaguara. Për 6 muajit e parë të këtij viti borxhi i akumuluar i bashkive ka arritur në 8.7 miliardë lekë nga 6.2 miliardë në të njëjtën periudhë të një viti më parë, duke u rritur me më shumë se 2.4 miliardë lekë.

Në shtator të vitit 2019, Ministria e Financave dhe Ekonomisë nëpërmjet një udhëzimi vendosi t’u dërgojë administrator bashkive të cilat kanë detyrime të prapambetura ndaj palëve të treta. Por ka kaluar 1 vit dhe bashkitë vazhdojnë të rrisin detyrime të prapambetura.  Kjo rritje e detyrimeve ka ardhur edhe si pasojë e nevojave për shpenzime si pasojë e pandemisë. Nga ana tjetër vendosja e administratorit që u la në heshtje, synonte që në bashkëpunim me kreun e njësisë vendore, administratori do të hartojë një plan pune për evidentimin e nevojave minimale që ka njësia, e më pas do të nisë procesin e negocimit të borxhit dhe shlyerjes së tij me palët e treta.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33