POP 5

Lajmet më të lexuara të 5 minutave të fundit

Arkiva

Pushteti vendor, të ardhurat në 9 muaj llogariten 9,693 milionë lekë

TIRANË, 25 Tetor/ATSH/ – Të ardhurat në buxhetin e shtetit nga njësitë e qeverisjes vendore në 9 muajt e këtij viti llogariten 9,693 milionë lekë. Referuar statistikave paraprake të Ministrisë së Financave mbi treguesit fiskalë sipas buxhetit të konsoliduar, shpenzimet për buxhetin vendor (janar-shtator 2014) kapin vlerën e 19.626 milionë lekëve, kur në të njëjtën […]
Të ardhurat në buxhetin e shtetit nga njësitë e qeverisjes vendore në 9 muajt e këtij viti llogariten 9,693 milionë lekë. Referuar statistikave paraprake të Ministrisë së Financave mbi treguesit fiskalë sipas buxhetit të konsoliduar, shpenzimet për buxhetin vendor (janar-shtator 2014) kapin vlerën e 19.626 milionë lekëve, kur në të njëjtën periudhë të vitit 2013 ishin 17,123 milionë lekë. Aktualisht, taksat e pushtetit vendor, të ardhurat e të cilave shkojnë në buxhetin e shtetit, janë taksa mbi pasurinë, taksa mbi biznesin e vogël dhe taksa lokale.

Nga taksa për pasurinë në këto nëntë muaj u arkëtuan 4,042 milionë lekë, nga tatimi i thjeshtuar mbi biznesin 1,540 milionë lekë dhe nga taksa lokale 5.263 milionë lekë. Të ardhurat nga pushteti vendor janë vlerësuar me një rritje në aktin normativ për rishikimin e buxhetit të vitit 2014, nga parashikimi fillestar në 12.7 miliardë leke nga 10.6 miliardë lekë të parashikuara në buxhetin 2014. Ky vlerësim në rritje i të ardhurave të pushtetit vendor është bazuar në ecurinë pozitive të këtyre taksave për 8- mujorin 2014, qe ka qenë rreth 31 % më shumë nga planifikimi. Edhe shpenzimet për pushtetin vendor propozohet të rriten me 4.070 milionë lek, qe reflekton rritjen e të ardhurave nga pushteti vendor në masën 2.1 miliardë leke, rritjen e granteve konkurruese në masën 2.570 milionë leke, si dhe uljen me 600 milionë leke të të ardhurave nga shpërndarja e rentës minerare.

Për një adminsitrim më të mirë të taksave që mblidhen nga pushteti vendor, qeveria ka vendosur heqjen e tatimorëve të pushtetit lokal dhe mbledhjen e tyre nga administrata tatimore për t'ua kthyer më pas bashkive. Edhe Komisioni Parlamentar i Ekonomisë dhe Financave sugjeron vijimin e reformave rregullatore në drejtim të thjeshtimit të sistemit të pagesave dhe të taksimit. Në këtë mënyrë do të mund të rritet baza e taksapaguesve dhe niveli i të ardhurave, pa rënduar me taksa të shtuara taksapaguesit e rregullt.

ATSH
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

SPAK nxjerr blof Berishën asnjë dosje për Majkon në Prokurorinë e Posaçme

10 Janar, 13:26