Putin drejtuar Rusisë: Mobilizim i pjesshëm ushtarak! Perëndimi dëshiron të na shkatërrojë

Presidenti rus Vladimir Putin po mban një fjalim kombëtar për herë të parë që prej nisjes së luftës në Ukrainë. Ai thotë se vendet perëndimore po përpiqen të "bllokojnë" çdo pavarësi dhe zhvillim.

"Për të detyruar vullnetin e tyre në mënyra brutale ndaj njerëzve të tjerë, synimi i Perëndimit është ende dobësimi dhe shkatërrimi, ata e thonë hapur këtë.", tha Putin.

LEXO EDHE:
Sulm me dron në portin rus, raportohet për viktima dhe të plagosur

Putin ka shpallur “mobilizim të pjesshëm ushtarak ” në Rusi.

"Dekreti është nënshkruar. Është një çështje për të mbrojtur territorin tonë, vendin tonë . Perëndimi dëshiron të na shkatërrojë. Qëllimi ynë është të çlirojmë Donbasin, tashmë pothuajse plotësisht i çliruar. Perëndimi nuk dëshiron paqe mes Rusisë dhe Ukrainës. Unë i kam dhënë një mandat qeverisë për t'u dhënë status ligjor vullnetarëve që luftojnë në Donbas. Shumica e njerëzve në atë zonë historike në Ukrainë nuk duan të qëndrojnë nën zgjedhën e neo-nazistëve. Për ta arritur këtë (çlirimin e Donbass) operacioni special ushtarak është zgjidhja e pashmangshme. Objektivi që mbetet i pandryshuar. Sa i përket propozimit për një referendum për t'i kaluar Rusisë (në katër rajone të shpërndara midis Donbasit dhe Ukrainës jugore), ne i mbështesim ata popuj. Rusia do të bëjë gjithçka për të siguruar që referendumet të zhvillohen”, tha Putin.

Lajmi kryesor:

Putin shpall mobilizimin e pjesshëm, thirren 300 mijë rezervistë për luftën në Ukrainë: Perëndimi dëshiron që të na shkatërrojë

S.C/Shqiptarja.com

TAG:
• vladimir putin
• lufta ne ukraine
• BE
• rusia sulmon ukrainen