Putin i ofron pasaportë ruse
aktorit francez Depardieu

Gjatë një konferencë për shtyp në Moskë Vladimir Putin pas diskutimeve me gazetarët për zhvillimet në vend për vitin që po lëmë pas, lëshoi një deklaratë të papritur.

Ai i ofroi një pasaporte ruse Gerard Depardieu, nëse ai do ta dëshironte këtë gjë.

" Dhe nëse Gérard dëshiron të marrë leje qëndrimi apo pasaportë ruse, kjo është një çështje e mbyllur".

Presidenti theksoi se ai "e di se aktori është patriot i vendit të tij, por tani po përballet me kohë të vështira”.

Aktori francez Gerard Depardieu deklaroi javën e kalaur, se ka vendosur ta dorëzojë pasaportën franceze menjëherë, pasi kryeministri e kritikoi për faktin se u largua drejt Belgjikës për t’iu shmangur taksave.

Në një letër publike drejtuar të përjavshmes “Le Journal Du Dimanche” ai akuzon kryeministrin se po ndëshkon elementët e suksesshëm, krijues dhe të talentuar. Të gjithë ata që e kanë lënë Francën nuk janë sulmuar aq sa unë", thotë Depardieu në të. Depardieu pretendon gjithashtu se gjatë karrierës së tij të gjatë ka paguar 145 milion euro në sistemin e taksave në Francë.

(l.c/ad.ti/shqiptarja.com)