Presidenti i Rusisë, Vladimir Putin, e uroi presidentin e Serbisë, Aleksandar Vuçiç, për Ditën e Shtetësisë së Serbisë, duke i thënë se marrëdhëniet midis dy vendeve po zhvillohen në mënyrë dinamike dhe në frymë të partneritetit strategjik, njoftoi të hënën Presidenca e Serbisë.
“Është vendosur një dialog përmbajtjesor dypalësh dhe bashkëpunimi në fusha të ndryshme sjell rezultate të mira. Jam i sigurt se zhvillimi i mëtejshëm i lidhjeve konstruktive ruso-serbe u përgjigjet plotësisht interesave të popujve tanë vëllazërorë dhe kontribuon në forcimin e stabilitetit dhe sigurisë në kontinentin evropian”, thuhet në urimin e Putinit, raporton Shërbimi i Ballkanit i Radios Evropa e Lirë.
Letra e tij vjen në kohën e tensioneve të larta midis Rusisë dhe Perëndimit, për shkak të grumbullimit të ushtrisë ruse në kufi me Ukrainën.
Disa vende perëndimore kanë paralajmëruar se Rusia po përgatitet për të pushtuar Ukrainën dhe SHBA-ja ka thënë se sulmi mund të nisë “në çdo moment”.
Rusia mohon se ka plane për pushtim, pavarësisht grumbullimit të mbi 100,000 ushtarëve dhe stërvitjeve ushtarake në kufijtë me Ukrainën.
Shteti rus ka kërkuar garanci nga NATO-ja se do të ndalojë zgjerimin drejt lindjes dhe se nuk do të pranojë në radhët e saj vendet ish-sovjetike, përfshirë Ukrainën.
SHBA-ja dhe NATO-ja kanë refuzuar kërkesat ruse për zgjerimin, por kanë ofruar rrugë diplomatike për zgjidhjen e krizës.
Serbia, sikurse edhe disa vende të tjera të Ballkanit Perëndimor, u ka rekomanduar qytetarëve të saj, që aktualisht banojnë në Ukrainë, të shqyrtojnë mundësinë e largimit të përkohshëm nga territori i atij vendi.
Serbia nuk është anëtare e NATO-s dhe zyrtarët e saj vazhdimisht përsërisin se nuk do të heqin dorë nga parimi i neutralitetit ushtarak.
Pavarësisht kritikave nga Brukseli, Serbia vazhdon bashkëpunimin ekonomik dhe ushtarak me Rusinë.
Vuçiç dhe Putin janë takuar për herë të fundit në Soçi të Rusisë, më 25 nëntor, 2021, kur kanë diskutuar për çështjen e furnizimit me gaz në Serbi, situatën me Kosovën dhe çështje të tjera dypalëshe./REL
Lajme të tjera
-
VIDEO/ Mirlind Daku shënon gol në javën e parë të kampionatit rus
22 Korrik, 19:20 -
Këshilli i BE-së merr vendimin, u heq vizat serbëve të Kosovës që kanë pasaporta të Serbisë
22 Korrik, 12:55 -
Ish-këshilltari amerikan: Trump s’ka ide si t'i japi fund luftës në Ukrainë
21 Korrik, 17:35 -
Shënjestronin vendet e NATO-s, Spanja arreston tre hakera pro-rusë të lidhur me sulme kibernetike
20 Korrik, 17:51 -
‘Serbia po organizon arratisjen e të burgosurve nga Kosova’, ministrja e Drejtësisë kërkon hetim ndërkombëtar: Beogradi synon të godasë rendin publik
20 Korrik, 14:01 -
Lufta në Ukrainë/ Raketa ruse godet parkun e lojërave, 3 të vdekur, 5 të plagosur
19 Korrik, 21:21 -
Gazetari amerikan Evan Gershkovich dënohet në Rusi me 16 vjet burg
19 Korrik, 17:23 -
Serbi/ Vrasja e policit serb në Loznicë, ekzekutohet autori i dyshuar, shqiptari Faton Hajrizi! Daçiç: 400 policë në aksion! S'kishte ndërmend të dorëzohej
19 Korrik, 14:15 -
I akuzuar për spiunazh nga Rusia, gjyqi kundër gazetarit amerikan Evan Gershkovich hyn në fazën finale
19 Korrik, 08:58 -
U ndalua me fletëarrest të Serbisë, ish-ushtari i UÇK-së dërgohet në paraburgim për 30 ditë në Maqedoninë e Veriut
18 Korrik, 22:03 -
Autoritetet e Serbisë në kërkim të shtetasit të Kosovës për vrasjen e policit, Kurti bën thirrje për mospolitizim
18 Korrik, 08:53 -
Ish-ushtari i UÇK-së ndalohet në Maqedoninë e Veriut, me fletëarrest të lëshuar nga Serbia
17 Korrik, 22:45
