Për ata që s’janë më, e genden mes veprash e kujtimesh... Personalitetet që largohen fizikisht e që e bëjnë Peizazhin e pyllit të rralluar, muzika e Feim Ibrahimit e poezia e përzgjedhur rrugëtojnë në tri qytete. Mbrëmja e së enjtes, nisi në Katedralen Ortodokse, duke krijuar një përshpirtje përmes tingujsh...
“Pylli që rrallohet është metaforë, janë drurët e lashtë, janë njerëzit që i largohen kësaj bote... bazuar në poezinë e Agollit, njerëz që mungojnë në familjet tona”, shprehet pianistja Etrita Ibrahimi.
Nga ‘Peizazhi i pyllit të rralluar’, ndërtuar mbi poezinë e Dritëro Agollit, ‘Natë e bukur’ me vargjet e Gëtes, e dy veprat e fundit ndërtuar mbi ‘La tua veste e bianca’ e poetit Salvadore Quasimondo dhe dialogu për violonçel e piano, muzika e Feim Ibrahimit, e ka të lehtë të komunikojë...
“E mbaj mend tim atë kur kompozonte. E kishte zakon që fillonte shumë gjëra. Siç i vinte inspirimi kompozonte dhe pjesë për balet, sinfoni, romanca etj”, thotë Ibrahimi.
Romanca “Pylli” që kompozitori la përgjysmë, është plotësuar nga e bija e u luajt për herë të parë e plotë.
“Parti i pianos mbeti i papërfunduar, u la përgjysmë dhe unë e përfundova një vit më parë, duke e luajtur mbrëmjen e djeshme për herë të parë. Kjo është hera ime e parë që përfundoj diçka që ai e ka lënë përgjysmë dhe më dukej sikur po e sillja pak këtu me atë pianon tonë në Tiranë, në jetën e përditshme dhe kur e kam mbaruar kam ndjerë emocion, një ndjesi plotësimi”, thotë ajo.
Ndërsa këngët, nga “Mirëmëngjes’ te “Rrjedh në këngë e ligjërime”, janë arranxhuar nga muzikanti Genc Tukiçi, e u jep zë Vikena Kamenica. Krahas Tukiçit, Etrita luan në piano pjesët e babait, ndërsa në viollonçel performoi artisti Klaudio Zoto...
Ndërsa së shpejti partiturat do të jenë të botuara dhe koncerti në një CD, Etrita rrëfen si përjetohen koncertet që mbahen me muzikën e të atit në familje, veçmas nga nëna e saj, Vera.
“Mamaja e përjeton me shumë emocion, sepse çdo notë që luhet është e lidhur me një kujtim të saj” shprehet më tej pianistja.
Në 12 nëntor, koncerti ‘Peizazhi i pyllit të harruar’ mbahet në vendlindjen e Ibrahimit, në teatrin ‘Zihni Sako’ në Gjirokastër, ndërsa në 14 nëntor në qytetin ku u rrit, në teatrin Aleksandër Moisiu në Durrës. Në radhët e spektatorëve gjatë mbrëmjes së parë ishte edhe djali i Etritës, që me gjyshin njihet jo vetëm përmes fotografive e rrëfimeve, por edhe muzikës.
“Shpresoj që im bir, ndonëse nuk e ka njohur, një ditë ta kuptojë tamam figurën e gjyshit të tij dhe ta çojë përpara emrin e tij, ky është misioni i familjes sonë “, shton më tej ajo.
Lajme të tjera
-
'Attila' e Verdit premierë në Teatrin e Operës dhe Baletit, Ibrahimi: Një nga veprat më të bukura, shfaqet për 4 net
10 Nëntor 2023, 20:34 -
Plagjiatura, artistët-Margaritit: Nëse heshtni për operën, nisim protestat. Ministrja: Logoja e kopjuar, problematikë e vogël
16 Shkurt 2021, 16:23
-
Dekorimi i Ylli Bakës nga Meta, reagon pianistja Etrita Ibrahimi: Po s’patëm miliona klikime nuk marrim gjë, e rëndësishme është tallavaja
29 Janar 2021, 19:58 -
Protesta/Artistët dënojnë dhunën në institucionet e kulturës (VIDEO)
11 Dhjetor 2020, 17:12
-
Djali i muraleve rikthen 3 kolosët e pallatit të Maks Velos (VIDEO)
13 Tetor 2020, 17:23
-
Debati mbi 'Operan'/ E bija e Feim Ibrahimit i përgjigjet Margaritit: Na keni fyer! Unë mbroj atë për të cilën im atë luftoi gjatë gjithë jetës
27 Shtator 2020, 20:01
-
‘Teatri i Operës të shkëputet nga shteti’/Ministrja e Kulturës përgënjeshtron vetveten
26 Shtator 2020, 17:24
-
E bija e Feim Ibrahimit: Opera është tempull i shenjtë i muzikës lirike, s’mund të preket!
25 Shtator 2020, 16:53
-
Artistët e operës: Teatri është kombëtar edhe s’duhet prekur nga askush
24 Shtator 2020, 16:19 -
Tirana, kryeqyteti me shumë zhurmë edhe pak muzikë
27 Gusht 2020, 15:31
-
Pasi gjithçka të mbarojë, do 'dehemi' sërish nën magjinë e valsit...Etrita Ilbrahimi nota shprese nga piano e saj
21 Prill 2020, 18:40 -
Pianistja Etrita Ibrahimi: Po kalojmë momente të vështira, por do ia dalim!
31 Mars 2020, 10:40
