KORCE-  Në doganën e Qafë Thanës është bllokuar lëvizja e mjeteve të tonazhit të rëndë për shkak të një defekti në sistemin kompjuterik të palës maqedonase. Bllokimi ka nisur që prej mbrëmjes së të shtunën rreth orës 23.00 ku rreth 20 kamionë nuk kanë arritur të zhdoganohen.

Kamionët po qëndrojnë të bllokuar në tokë neutrale. Policia e pikës kufitare të Qafë Thanës thotë se bllokimi ka krijuar radhë të gjata në të dy anët e kufirit, ndërsa vijon normalisht kalimi i automjeteve të vogla dhe i kalimtarëve.