TIRANE- Në pjesën e dytë të intervistës, kreu i AKKP Sonila Qato sqaron rolin e institucionit në procesin e legalizimeve, domosdoshmërinë për ndryshimin e formulës për llogaritjen e hartës së vlerave të tokës, të përqasjes ndaj kërkesave që i janë vënë shtetit shqiptar nga Gjykata e Strasburgut në lidhje me çështjen e pronës, si dhe procesin e kompensimit të pronave.

Qato vëren se Agjencia është e detyruar të pezullojë një pjesë të kompensimeve të pronarëve të cenuar nga ndërtimet pa leje për shkak se tokat e tyre gjenden në zona që nuk i janë nënshtruar procesit të Regjistrimit Fillestar të Pasurive. Sa për hartën e çmimeve të tokës për vitin e shkuar Qato thotë se çmimet e saj janë të deformuara për shkak se në shtet deklarohen nga palët vlera shumë më të ulëta nga ato që paguhen realisht për të pakësuar dteryrimet fiskale.