POP 5

Lajmet më të lexuara të 5 minutave të fundit

Kronikë

Qëlloi me armë zjarri në koncertin te Parku Olimpik, policia: Jetmir Pepa në kërkim, 1 gëzhojë në vendin e ngjarjes

Policia ka njoftuar zyrtarisht se ka shpallur në kërkim 33-vjeçarin Jetmir Pepa, pasi qëlloi me armë zjarri në një koncert festiv natën e ndërrimit të viteve në Parkun Olimpik.

Qëlloi me armë zjarri në koncertin te Parku Olimpik, policia: Jetmir Pepa në kërkim, 1 gëzhojë në vendin e ngjarjes

Stresi duke kënduar në koncertin te Parku Olimpik

TIRANË- Policia ka njoftuar zyrtarisht se ka shpallur në kërkim 33-vjeçarin Jetmir Pepa, pasi qëlloi me armë zjarri në një koncert festiv natën e ndërrimit të viteve në Parkun Olimpik. Policia thotë se dyshohet se Pepa ka qëlluar me armë zjarri më datë 01.01.2025 rreth orës 04:30, në ambientin e mbyllur ku po zhvillohej koncerti te Parku Olimpik.

Uniformat blu nga këqyrja e vendit të ngjarjes kanë gjetur dhe sekuestruar një gëzhojë.

“Në përfundimin të veprimeve të para hetimore nga Komisariati i Policisë Nr.2, nën drejtimin e Prokurorisë u bë shpallja në kërkim dhe po punohet për kapjen e shtetasit Jetmir Pepa, 33 vjeç. Ky shtetas dyshohet se ka qëlluar me armë zjarri në një ambient festiv në rrugën “Liman Kaba” më datë 01.01.2025 rreth orës 04:30. Nga këqyrja e vendit të ngjarjes është gjetur dhe sekuestruar një gëzhojë”, njoftoi Policia e Tiranës më 3 janar 2025.

Jetmir Pepa, i njohur si Mir Pepa dyshohet se ka qëlluar dy herë me armë zjarri në ajër, për arsye që ende nuk bëhen me dije. Emri i tij është lakuar edhe në konfliktin e motrave Berisha të cilat dhunuan blogeren Klea Prenga, pasi përflitet si ish-partneri i Marinela Berishës.

Në momentin që ka qëlluar, në skenë ka qenë duke performuar reperi Stresi, i cili më pas është larguar. Fatmirësisht nga të shtënat nuk ka pasur të lënduar, por ngjarja ka krijuar panik te pjesëmarrësit pasi ambienti ishte i mbushur plot me të rinj e të reja që ishin duke festuar natën e ndërrimit të viteve.

Koncerti mbahej në sallën e Parkut Olimpik në rrugën “Liman Kaba” në Tiranë dhe ishte marrë me qira nga Cinco Cavalli Group.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Fier/ Plagosje me armë zjarr te 'Kryqëzimi i Zogut të Zi', policia në ndjekje të autorit

Fier/ Plagosje me armë zjarr te 'Kryqëzimi i Zogut të Zi', policia në ndjekje të autorit

5 Janar, 21:54