POP 5

Lajmet më të lexuara të 5 minutave të fundit

Kronikë

Qëlloi me plumb në këmbë Edis Reçajn në Shkodër, lihet në burg 29-vjeçari që u fsheh në hotel pas plagosjes

Gjykata e Shkodrës ka dhënë masën e sigurisë “arrest me burg” për Elfat Salihin, autorin e plagosjes së Edis Reçajt mbrëmjen e 19 prillit.

Qëlloi me plumb në këmbë Edis Reçajn në Shkodër, lihet në burg 29-vjeçari që u fsheh në hotel pas plagosjes

Gjykata e Shkodrës ka dhënë masën e sigurisë “arrest me burg” për Elfat Salihin, autorin e plagosjes së Edis Reçajt mbrëmjen e 19 prillit.

Ai u arrestua dy ditë më parë pasi ishte në kërkim nga policia.  I riu i identifikuar si Elfat Salihi, 29 vjeç u kap në një hotel në lagjen “Mark Lula”, ndërsa u vu nën hetim edhe pronari i hotelit i identifikuar si Gj.D., 59 vjeç, pasi nuk ka kryer procedurat e nevojshme për regjistrimin dhe lëshimin e kuponit tatimor për shërbimin e ofruar në subjektin që administronte. 

Si ndodhi ngjarja

Mbrëmjen e 19 prillit, pranë një lokali në lagjen Perash, i plagosuri Edis Reçaj 28 vjeç, mori një plumb në këmbë, ndërsa u paraqit vetë në spitalin e Shkodrës, jashtë rrezikut për jetën.

Ishte një telefonatë për të shtëna me armë zjarri që ngriti në këmbë policinë e Shkodrës, por nga kontrollet në zonë nuk u gjet asnjë provë. Më pas Spitali i Shkodrës njoftoi se një person i plagosur me armë zjarri kishte mbërritur në urgjencë.

Në dëshminë e tij në ambientet e spitalit 28-vjeçari ka thënë se nuk e njeh personin që e ka qëlluar dhe se ai i kishte shkuar nga pas dhe e kishte qëlluar menjëherë.

"Personi ka qenë me kapuç të zi në kokë, erdhi nga mbrapa dhe më ka plagosur në këmbë dhe është larguar me shpejtësi. Nuk kam konflikte me asnjë person apo probleme me persona të tjerë", ka thënë ai.

Ndërkohë burime bëjnë me dije se i plagosuri dhe autori, emri i të cilit nuk bëhet me dije ende, kanë qenë së bashku në të njëjtën makinë. 28 vjeçari është qëlluar me armë zjarri brenda në makine, ku është gjetur edhe gëzhoja e armës, por ende rrethanat e ngjarjes janë të paqarta. 

28-vjeçari nuk është person me precedent penal, por ndërkohë rezulton se është nipi i Edmir Alisë, i ekzekutuar në vitin 2014 për pazare droge. Nuk dihet nëse kjo ngjarje ka lidhje me plagosjen e Reçajt. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Nustricionisti dhe specialisti i Mjeksisë Holistike, Altin Joka: Ndryshimi i stilit të jetës dhe të ushqyerit ju zgjat jetën

Nustricionisti dhe specialisti i Mjeksisë Holistike, Altin Joka: Ndryshimi i stilit të jetës dhe të ushqyerit ju zgjat jetën

24 Nëntor, 13:32