Qëlloi për vdekje me thikë 19-vjeçarin, shqiptari hynë në gjykatën e Selanikut me jelek anti-plumb dhe kokën ulur! Të afërmit ulërijnë: E ke kuptuar të keqen që ke bërë?

Me jelek anti-plumb, i veshur në të zeza dhe me kokën ulur është futur mëngjesin e sotëm në dyert e gjykatës në Selanik, 23-vjeçari shqiptar që qëlloi për vdekje me thikë Alkis Kampanos.

“E ke kuptuar të keqen që ke bërë?”, me të bërtitura dhe fjalë dëshpërimi e kanë pritur miq dhe të afërm të viktimës që humbi jetën dy ditë më parë, vetëm 19 vjeç.

Sipas informacioneve të deritanishme, shqiptari ka mohuar çdo akuzë lidhur me krimin, ndërsa policia është ende në kërkim personat e tjerë të përfshirë në këtë ngjarje.

Në të njëjtën kohë, vendi ku dha frymën e fundit 19-vjeçari është mbushur me lule, bluza, shalle, shënime dhe qirinj nga qytetarë të thjeshtë, tifozë dhe lojtarët e skuadrave të ndryshme për të nderuar Alkis.

Si u arrestuar shqiptar nga policia?

Në videot nga kamerat e sigurisë së vendit të sulmit vdekjeprurës, është parë 23-vjeçari me një thikë në dorë.

Shqiptari pasi zbriti së bashku me miqtë e tij, të cilët po udhëtonin me dy makina, sulmuan Alkin dhe dy tjerë. Në një video e cila ka qarkulluar në internet, shihen disa momente pasi shqiptari ka qëlluar për vdekje me thikë Alkin dhe e ka lënë të shtrirë në rrugë, pa ndihmë dhe pa ndjenja.

Kanë qenë pikërisht targat e makinave që kanë ndihmuar policinë të gjënë gjurmët e kriminelit shqiptar.

Mediat greke bëjnë me dije se shqiptari i arrestuar ishte pjesë e disa grupeve ekstremiste të djathta në Greqi, të cilët konfliktoheshin vazhdimisht me grupe të tjera tifozësh duke përdorur edhe thike dhe armë të tjera të ftohta gjatë sulmeve.

Ngjarja e rëndë ndodhi orët e para të mëngjesit të djeshëm, vetëm disa metra poshtë stadiumit, pas ndeshjes së zhvilluar mes dy ekipeve të Selanikut Aek-Paok.

Policia po punon ende për zbardhen e rrethanave të ngjarjes.

J.GJ./Shqiptarja.com

TAG:
• greqi
• selanik
• alkis kampanos