Kryetari i Bashkisë së Tiranës, Erion Veliaj inspektoi qendrën e re për shërbime komunitare në Vaqarr. Ai theksoi se falë investimeve të bashkisë, si në qendër ashtu edhe në periferi, shumë shpejt Vaqarri do jetë si një lagje e Tiranës.
“Brenda kësaj dekade Vaqarri do të quhet një lagje e Tiranës. Shkolla “Bedri Llagami” duket njësoj si shkolla “Kosova”. Njësia administrative as nuk krahasohet me Njësitë SAadministrative 1, 2, 3, 4, 5 në Tiranë, të cilat kanë ngelur në ato ambientet e vogla dhe modeste, ndërkohë që shërbimet janë rritur. Po ndërtojmë duke i paraprirë Tiranës që do jetë dhe jo Tiranës siç ka qenë. Ndaj, më vjen mirë që kemi një ndërtesë me dy volume. Një volum është Njësia Administrative e Vaqarrit, kurse volumi tjetër Qendra Rinore dhe Pallati i Kulturës. Na duhet t’i gjallërojmë hapësirat urbane me jetë dhe jeta është edhe administrata, pra aktivitetet e administratës, edhe aktivitetet post administratë ose jashtë shkollore. Pra, mbaron shkolla, mbaron aktiviteti i punës, ka një festë fshati, ka një festë komuniteti, ka një aktivitet, promovohet një libër etj”, tha Veliaj.
Kreu i Bashkisë bëri me dije se qendra e re komunitare do të rrisë ndjeshëm vlerën e pronës.
“Brenda pranverës do të bëjmë hapjen zyrtare të qendrës. Do të përgatisim të gjithë Njësinë Administrative të rikthehet në Vaqarr dhe pastaj do të jetë sfidë për komunitetin sesi do ta gjallërojmë me kulturë, rini dhe art. Duke e bërë tërheqëse, kemi rritur vlerën e të gjitha pronave përreth. Shikoj e dëgjoj kudo se këtu ka zhvillim, ndaj është vetëm çështje pak vitesh derisa ta quajmë Vaqarrin një lagje të re, të bukur, të rindërtuar, më të fortë dhe më të madhe të Tiranës sonë moderne. Kjo qendër do të jetë një bizhu dhe kjo njësi administrative po bëhet shumë herë më e lakmueshme sesa disa nga ato të Tiranës së vjeter”, u shpreh Veliaj.
Kryebashkiaku tha se në Tiranë do krijohen hapësira për dy varreza të reja, në veri dhe në jug të Tiranës.
“Bashkia është kujdesur për të gjitha stacionet e jetës. Janë bërë shumë herë më mirë çerdhet, kopshtet dhe shkollat. Fatkeqësisht, është i pashmangshëm edhe stacioni i fundit i jetës, që janë varrezat. Bëhet fjalë për të krijuar varreza si ato që kemi parë jashtë vendit. Kemi bërë maksimumin në Sharrë dhe Tufinë për të shtuar parcelat, ndërkohë që ato varreza janë projektuar për një qytet shumë të vogël. Kemi 5 propozime nga të cilat do të zgjedhim dy: brenda këtij mandati Tirana do të ketë edhe dy varreza të reja, të projektuara me rrugica, me stola etj, që të jetë më shumë një park, për një moment reflektimi dhe prehje, se sa një tjetër stacion i kaosit urban, që trashëguam nga vitet ‘90-të”, bëri me dije Veliaj.
Ai shtoi se nuk ka kohë për vonesa dhe pengesa, teksa kërkoi bashkëpunim për mos-bllokimin e punës për parcelat e reja të varrezave.
“Janë bllokuar proceset e parcelave në varreza, edhe në Tufinë, edhe në Sharrë. Qyteti nuk e meriton këtë! Një gjyqtar që s’ka kaluar vettingun nuk mund të japë masë bllokimi dhe të pengojë punën tonë në parcela. Ashtu si dhe ndër vite janë bërë të tjera gabime, ky është më i fundit. Këtu janë legalizuar prona brenda në parcelë, edhe shtëpi brenda në parcelë. Që t’i heqim dhe këta çibanë të fundit na duhet ndihma e gjykatës. Ne i kemi apeluar këto vendime. Megjithatë, këto parcela na zgjidhin 5-6 vitet e ardhshme. Na duhet të mendojmë për parcelat e 50-60 vitet e ardhshme, të bëra në mënyrë shumë njerëzore, ku të ketë edhe një pikë për shërbimet, qofshin ato fetare, qofshin civile.Do fokusohemi në Vaqarr edhe në Petrelë, e kësisoj qyteti do të ketë edhe në veri, edhe në jug, edhe në lindje dhe në perëndim, një hapësirë të prehjes me një dinjitet shumë herë më të madh sesa ai që kemi pasur me improvizimit e Sharrës dhe Tufinës”, tha ai.
Lajme të tjera
-
GJKKO dënon me 2 vite dhe 8 muaj burg Vangjush Dakon, ish-kryebashkiaku i Durrësit mungoi në seancë! Pezullohet dënimi për 3 të tjerët (VENDIMI)
25 Nëntor, 16:44 -
Ministria e Drejtësisë certifikon 97 studentë të Klinikave të Ligjit, Manja: Qëllim rritja e aksesit në drejtësi dhe përgatitja e një brezi profesionistësh
25 Nëntor, 16:44 -
Kopshti i ri në Njësinë 10, Veliaj: Do buxhetojmë sërish për çerdhe dhe kopshte të reja! Revolucion edhe për ushqimin falas të nxënësve nëpër shkolla
25 Nëntor, 15:40 -
U ekzekutua në atentat, ja si ka përfunduar makina luksoze e Klaudio Prendit! Vrasësit shenjëstruan xhamin e shoferit të ‘Mercedes G Class’
25 Nëntor, 15:38 -
Tiranë/ Vrasja e 14 vjeçarit, shtohen efektivët e policisë në të gjithë shkollat e kryeqytetit
25 Nëntor, 11:41 -
Pesë net ‘roje’ për të vrarë ndërtuesin! Polici u fsheh në shkallët e një hoteli, refuzon të japë deklarime! I vëllai mohon të ketë lidhje me ekzekutimin e Eduart Reçit, pamjet zbuluan vrasësit
25 Nëntor, 09:17
-
VIDEO/ Në fushë pa Canin, ekipi i Dinamos dhe trajneri emocionojnë me dedikimin për Martinin e vrarë me thikë në zemër
24 Nëntor, 22:19 -
Rrëfehet nga spitali shoku i Martin Canit: Mario më gjuajti me thikë 6 herë, donte të më godiste në zemër! Një burrë më ngriti peshë
24 Nëntor, 21:52 -
Protesta e opozitës më 26 Nëntor/ PD publikon 5 rrugët dhe pikat që do bllokojë në Tiranë! Ja ndarja e deputeteve
24 Nëntor, 18:48 -
Zbardhet vrasja e Eduart Reçit! Hetimet: Polici i komisariatit nr 2 në Tiranë ekzekutoi ndërtuesin, arrestohet dhe i vëllai! Motivi? Konflikte pronësie
24 Nëntor, 15:07
-
'Ata ishin 2 autorë!' Policia do të rimarrë në pyetje babain e shokut të Martinit: Djali tjetër ka pasur thikë më të vogël
24 Nëntor, 12:44 -
Vrasja e 14 vjeçarit, Flutura Açka: U harrua thelbi i familjes po endet drejt spektaklit! Urgjente hapja e shkollës së riedukimit
24 Nëntor, 12:22
