Receta

Qepujka me mish pule nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 15 Shtator 2021, 13:05 | Përditesimi: 15 Shtator 2021, 13:07

Qepujka me mish pule

Përbërësit:

600 gr mish pule

LEXO EDHE:
Lakër turshi me kimë në furrë nga zonja Albana

1 kg qepujka

1-2 thelpinj hudhër

1 domate

400 gr salcë domate

100 ml verë e kuqe

Pak sheqer

Kanellë

Karafil

Gjethe dafine

Spec djegës

Majdanoz

Kripë, piper

Përgatitja:

Fillimisht pastrojmë qepujkat, por fundet nuk i presim. I vendosim në tenxhere dhe i kuardisim me pak vaj ulliri.

Më pas vendosim racionet e mishit të pulës dhe vazhdojmë kaurdisjen për 3-4 minuta. E shuajmë mishin me vere të kuqe dhe sapo të avulloje alkooli shtojmë salcën e domates dhe ujë në masë të gatimit.

Domates i bëjmë një prerje nga lartë dhe vendosim pak karafl për aromë. E vendosim domaten ashtu siç është në tenxhere, shtojmë kanellën, gjethen e dafinës, një spec djegës, kripë, piper. E lemë gatimin të marrë valë dhe më pas largojmë kokrrën e domates, shtojmë erëzat e freskëta dhe gatimin e kalojmë nga tenxherja në një tavë balte. E vendosim në furrë të piqet në temperaturën 180 gradë për 30-40 minuta.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com