POP 5

Lajmet më të lexuara të 5 minutave të fundit

Sociale

Qershori më i nxehtë në histori
Temperatura 1,07 gradë mbi mesatare

Temperatura mesatare globale e regjistruar gjatë muajit qershor ka qenë më e larta e regjistruar më parë.
MILANO- Bën vapë, gjithmonë e më shumë. Tanimë rekordet e temperaturave globale thyhen nga muaji në muaji, nga viti në vit, ndërsa Shtetet e Bashkuara të Amerikës janë goditur nga thatësira më e ashpër që prej vitit 1956. Temperatura mesatare globale të vendeve të përfshira në muajin qershor që sapo lamë pas, ka qenë më e larta e regjistruar ndonjëherë më parë në historinë e meteorologjisë, me një vlerë prej 1.07 gradë celcius mbi mesataren. Kjo është ajo që rezulton pas një analize të kryer nga autoritetet italiane bazuar në të dhënat e National Oceanic and Atmospheric Administration (Noaa). Maji 2012 rezultoi muaji i dytë më i ngrohtë se kurrë.

"Anomalia është më pak e dukshme nëse do të konsideronim mesataren e kombinuar të temperaturave të tokës me atë të oqeaneve, e cila klasifikohet në vend të katërt, ndër më të lartat", thuhet në raporti. "Në Itali, muaji i qershorit u klasifikua në vend të tretë ndër më të nxehtit në 210 vitet e fundit, duke regjistruar kështu një anomali prej 2,57 gradë më shumë në raport me mesataren". Në dekadën e parë të qershorit rëniet kanë qenë akoma më të ulëta: -83 %, ndërsa temperatura maksimale në gadishuj ka qenë superiore prej 2,6 gradë celcius, në raport me mesataren e tridhjetë vjeçarit të marrë si referencë 1971-2000, sipas Ucea.

Vapa dhe thatësira, bashkë me Evropën, kanë prekur mbi të gjitha zonën e kultivimit të misrit në Midwest të Shteteve të Bashkuara, ndërsa një goditje pritet të ketë edhe në prodhimin e parashikuar në Rusi dhe Ukrainë.

Që nga 1 janari deri më 30 qershori të 2012 -tës janë regjistruar rreth 2.500 zjarre me një rritje prej 76 % në raport me vitin ë shkuar, si dhe është dyfishuar sipërfaqja e pyjeve të përfshira nga zjarri (+94%) me një total prej rreth 6.800 hektarësh të përfshira, të cilave i shtohen edhe 3.200 hektarë jo pyjore, sipas Policisë Pyjore italiane.

Në Amerikën Qendrore, alarmi është në nivelin maksimal. Autoritetet e Nebraskës kanë ndaluar spërkatjen me ujë te bollshëm (jo nga puset) e fushave me misër, duke vulosur kështu edhe humbjen e të gjithë të korrave. Në 55% të territorit kontinental rëniet kanë kohë që janë poshtë mesatares, duke përcaktuar kështu situatën më të rëndë të thatësirës që prej 1956 -tës.

(ed.ka/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Plan rus për bomba në avionë? Çfarë duhet të dini rreth akuzave të Polonisë

Plan rus për bomba në avionë? Çfarë duhet të dini rreth akuzave të Polonisë

16 Janar, 13:07