POP 5

Lajmet më të lexuara të 5 minutave të fundit

Sociale

Qese, mbetje e kafshë të ngordhura, bregdeti i Godullës kthehet si ‘landfill mbetjesh’! Eksperti: Problem prishja e rregullave sociale të jetesës me mjedisin

Vija bregdetare me gjatësi 7 km pranë grykëderdhjes së Ishmit është e ndotur masivisht. Pamjet që vijnë nga kjo zonë nuk i përkasin ndonjë landfilli mbetjesh, por bregdetit të Godullës në Kurbin. Brezi e rërës është i mbuluar me mbetje plastike, qelqi e deri te kafshët e ngordhura.

Vija bregdetare me gjatësi 7 km pranë grykëderdhjes së Ishmit është e ndotur masivisht. Pamjet që vijnë nga kjo zonë nuk i përkasin ndonjë landfilli mbetjesh, por bregdetit të Godullës në Kurbin. Brezi e rërës është i mbuluar me mbetje plastike, qelqi e deri te kafshët e ngordhura.

Mbetjet depozitohen nga lumi në bregdet, ndërsa nga ndotja e madhe që është krijuar kanë nisur të ngordhin edhe gjallesat ujore.

Situata e krijuar është dëshmi e dështimit të institucioneve në menaxhimin e mbetjeve, të cilat nuk zbatojnë ligjet e vendosura për mjedisin thotë eksperti Zef Imeraj.

“Ky është një problem emergjent dhe po jep një ndikim të jashtëzakonshëm në dëmtimin e florës dhe faunës që kanë qenë tepër të pasura. Sot kemi struktura shtetërore, ligje dhe rregulla dhe situata është alarmante’, tha Imeraj, ekspert mjedisi.

Sipas Imerajt diçka e tillë është krizë sociale e mënyrës së jetesës së njeriut me mjedisin.

“Nuk është më problem i një krimi mjedisor, por një prishje e rregullave sociale të jetesës me mjedisin, çdo gjë është transformuar tashmë. Lumenjtë marrin me vetë çdo gjë organike dhe jo organike dhe këtu ka vend . Këtu ka një vend të jashtëzakonshëm për ndërhyrje, ligji është në kufirin ekstrem”, shtoi eksperti

Deri në vitin 2010 në bregdetin e Gudullës në Kurbin bëhej plazh dhe zona ishte mjaft e frekuentuar nga vendas e pushues të ardhur nga qytete të tjera të Shqipërisë. Por ndotja e madhe e krijuar dhe degradimi i rrugës i largoi pushuesit, e madje dhe peshkatarët në këtë zonë. 

/Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Gjendet trupi i rabinit të zhdukur Zvi Khogan, ministri izraelit i Mbrojtjes: Përgjegjësit e këtij akti kriminal të paguajnë për veprimet e tyre

Gjendet trupi i rabinit të zhdukur Zvi Khogan, ministri izraelit i Mbrojtjes: Përgjegjësit e këtij akti kriminal të paguajnë për veprimet e tyre

24 Nëntor, 09:30