Qeveria 600 mln lekë për stadiumin
Ruzhdi Bizhuta e Parkun Oplimpik

Qeveria shqiptare ka dhënë një tjetër ndihmë për sportin. Pas mbledhjes së qeverisë, kryeministri Edi Rama ka dhënë dritën jeshile për të financuar në dy projekte të rëndësishme, që janë stadiumi Ruzhdi Bizhuta në Elbasan dhe Parkur Oplimpik në Tiranës. Qeveria ka dhënë plot 600 milionë lekë nga buxheti i shtetit, ndërsa 44 milionë lekë nga fondi i kontingjencës.

Fondi prej 1.3 mln eurosh i akorduar nga FSHF, UEFA dhe qeveria shqiptare pritet t'i ndryshojë komplet pamjen e stadiumit Ruzhdi Bizhuta në Elbasan. Sipas projektit ndërhyrjet do të jenë totalet, rindërtimi do të jetë në të gjitha drejtimet.  Në impiantin e ri do të ketë mjedise ko do te ofrohen shërbime për tifozët gjatë pushimit të ndeshjeve.
Përveç pjesës së tribunave, ku numri i tifozave pritet të jetë rreth 11 mijë dhe tapetit të blertë, një ndryshim rrënjësor do të pësojnë edhe dhomat ku skuadrat përgatiten para ndeshjeve.Në impiantin e ri çdo gjë është menduar deri në detaj, nga tualetet e deri të siguria e tifozëve në rast rreziku. Risia e këtij stadiumi është se për herë të parë hyrja në të do të jetë në mënyrë elektronike.Prozhektorët e rinj do të jenë sipas kritereve të UEFA-s, me forcë ndriçimi 1600 luks, ndërkohë që në pjesën anësore të fushës nuk do të mungojë edhe ekran i madh elektronik i cili kap shifrën e 100 mijë eurove. Një rikonstruksion total do të pësojë edhe parkingu rreth e rrotull stadiumit, kapaciteti i të cilit duhet të jetë 400 makina gjatë ndeshjeve ndërkombëtare. Në këtë stadium do te luhen edhe ndeshjet e skuadrave qe kalojnë në turet e kupave të Europës.
















 
Ndërkohë Kompleksi Sportiv i Agjencisë së Shërbimeve të Sporteve, i njohur si kompleksi “Dinamo”, brenda 4 viteve të ardhshme do të pësojë një ndryshim rrënjësor, për t’u transformuar në atë që do të quhet “Parku Olimpik i Tiranës”. Në këtë kompleks do të ndërtohet edhe një fushë olimpike, me një sipërfaqe prej rreth 13 mijë m2, me një pistë atletike të standardeve ndërkombëtare. Ndërkohë, në një fazë të mëvonshme do të shihet me prioritet mundësia e ndërtimit të një pishine në dispozicion të sportistëve. Duke u bazuar në projektin fillestar, qeveria shqiptare ka akorduar rreth 10 milionë euro për realizimin e transformimit të kompleksit ekzistues.




















Redaksia Online
(g.f/shqiptarja.com)